الأحد، 26 ديسمبر 2010

my mood 4 2day

** انا احب هالغنية و ترا حدها rated يعني over 25 بس

when justin meet scarlet u can only hold ur breath and say woOow

احلا شي هالمقطع وايد احبه

And now you want somebodyTo cure the lonely nightsYou wish you had somebodyThat could come and make it rightBut girl I ain't somebody i'm out of sympathy see(What goes around comes back around)I thought I told ya, hey






واللي موعاجبته الغنيه اقوله مثل ماتقول اخيتيييي " كل هونا هووووووو " مدونتي و كيفي

الخميس، 23 ديسمبر 2010

just shoot me


** بين مرض امي و دخولها المستشفى و حرارة جوجو اللي موراضية تروووح صارلنا اكثر من 8 أيام و الروحة و الردة و الله اني




ماعندي وقت حتى اسوي شعري




كل اللي اتمناه يوم كامل في سبا تايم والله صراحة اللي سوته هني خذت اجر من ورانه




يوم كامل مافي تلفون ولا واتس اب و لا ميل ولا شي بس انا و Hot oil و صوت الموسيقى ما بي افكر في اي احد و لا في اي شي




و لويحصلي انام عندهم بعد راضية
** بصراحة تفاجأت من مستشفى دار الشفا بعد ما عدلوه و سنعوا الغرف الله يعطيهم العافية صار وايد راقي و خدمتهم وايد حلوة ..




Happy weekend 2 u all




الاثنين، 20 ديسمبر 2010

HappY Birthday ana :)







** اليوم عيدميلادي وناسة طوووول الطريج حاطة انزل يا جميل بالساحة و شاقة الحلج جنه الأوادم يدروون انه عيد ميلادي





بس البداية شوي غير موفقة قعدت الساعه 3 الفير على صخونة جوجو 39 متنه من هالصخاخيييين





اما بالنسبة لأمنياتي فهي كالتالي :





- انام و اقعد و القى كرشي رايح و مقاسي صاير 6 .





- اشوف بنيتي بصحه و عافية و نفتك من لصخونه لمدة 50 سنة لي جدام مير البنادول صار مثل الماي على كل حزة ينشرب .


- اصير انيقة


- أشوف جندله و الزين وسلة و استكانه و نور الدنيا و ام الفناتق و نتيمع كلنا في يوم نسميه يوم التدوين العالمي ( و الله احبكم وايد )





- بو جوجو يطوووول 5 سنتم زيادة





- ................................................................زز بس هذا حقي سكلووووووووسف








** راح انزلكم بوست يوم الخميس انشالله فيه العشا و الهدية ( طبعا العمووووم ناطر المعاش معلش راضين بالهدايا المؤجلة )





الاثنين، 22 نوفمبر 2010

i'll pray for u

** وايد حبيت الكلمات صراحة وايد ناس اهديهم هالغنية من اعماق قلبي مو لأني شريرة بس لأنهم صج يستاهلون

انتوا سمعوا و قولوا حق منو تهدونها مع هالجو الحلو ..



=======


** اني اقعد 7 ساعات بروحي بالمكتب احوس بالبلوقات و اشرب 17 فنيال قهوة و اسمع رسالة مالت المطرف مادري ليش المزاج

هذا من الصبح ولا مجابل التلفزيون المليق 70000 قناة و لا وحدة سنعه

==========

** نزل المعاش خلص المعاش نزل المعاش و خلص المعاش وتبقى الاسطورة مستمرة و هي البوك فاضي :(


===========


** ليش اشتري كريم ب 60 دينار ريحته حلبه صاك راسي طول الليل من ريحته بس هم بحطه

=========

** صارلي يومين ماطلعت منحكرة فالبيت و السبه جوجو سكووووووول ماسوت علي جني برد اطلعها

========

** مشكلة الفاضي .. متى نلبس شتوي ؟

======================


جندلة تذكرين هالغنية



الأربعاء، 10 نوفمبر 2010

للبيع

* اللي يبي تذاكر حق السيرك يوم 26 نوفمبر عندي 2 الوحدة 40 دينار

السبت، 30 أكتوبر 2010

طلعت كويتية

** توني ادري ان رقصة مكارينا اصلها كويتي






- أنا اعشق هالاوبريت كلماته عجيبه و شادي الخليج صوته اووووووف يعور القلب و خصوصا هالمقطع

والاحلى الرقصات يعني ودي اسئل مصممة الرقصة هذي بالذات شنو الهدف من الحركات و اللبس افشل ، بس بصراحة كان شي صج حلو بس ماعرف اقول اكثر

السبت، 25 سبتمبر 2010

مطلووووووووب

** رفيقه لممارسة المشي و لرحمة بنطلوناتي اللي جكروا عقب رمضان بشرط وزنها
مو اقل من 60 كيلو و طولها مو اكثر من
160 سم سم و ذلك لرفع المعنويات ، الانطلاق الساعة 4:45 عصرا و يدوم
لمدة ساعة زمنية في منطقة الزهراء والعرض قائم من اليوم حتى 20 اكتوبر 2010
=====================


- سمعوا بس سمعوا يا صباح الرومانسية




الخميس، 16 سبتمبر 2010

تحلطم

** خلص رمضان و بلعنا الاكو و الماكو و خلص العيد و فلسنا و الناس ردت دواماتها و بدت الزحمه و الملاقة مرة ثانية يعني



ردينا على روتينا اللي هوه بس مو هذا الموضوع



انا ما احب اخذ اجازة لأني ما اسافر وايد يعني ماني من عشاق السفر حدي 5 ايام بالكثير مع اني الوحيده في بيتنا جذي مادري من عليه طالعه دعله ؟



المهم مو هذي السالفة يعني يوم اني انطقيت على راسي و خذيت اجازة شطولها ليش قاعدة بالبيت ؟ الناس تطلع تغير جو اروح



دوامي استانس مع البنات احسن بس مو هذا البوينت



المهم و اللي ابي اوصله يعني ليش ماكو اجازة حق الام ؟؟ مثل اجازة الدوام والله حتى لو اخذلي غرفه بفندق بروحي اقعد بالقراش بس اقلب بالريموت اشوف شي غير براعم و العربية و مسرحيات هدى حسين اللي قاموا يطلعولي بالحلم

ليش اذا وحدة تبي تسافر بروحها او مع صديقتها تقوم القيامة و هذا شي يعتبر من المحرمات عالمره ؟

ترا ده زلم و افتره ليش النحاسه ليشششششششششششششششششششششششششششششششششششششششششششششششششش

كلها تونايت كويت دبي كويت بعد ماقلنا سويسرا

الأحد، 5 سبتمبر 2010

هبه مشاري حماده ... ذبحتينا




** والله ذبحتينا حرقتي اعصاب اعصابي دخيييل الله كسرتي كل التوقعات عفيه عليييج ولا برودكاست عن نهايات الحلقة طلع صح كسرتي فينا و كل يووم نتفاجأ بأحداث يديده صج انه محمد المنصوور و الهام الفضال شبعوا سب مساكين " طلقتها يا مفتري " بس هذا دليل نجاح



صراحه احلى مسلسل انعرض برمضان مشكورة وايد و انشالله بس ماتعورين قلوووبنا اكثر بالنهاية و لا تخلينها مفتووحة


تغث مثل بعض الناس :P " والله احبج سلة "
يعني انتابع 30 حلقة آخر شي نهاية مفتوحة حرام حسو فينا حسحسووونا .. كل الممثلين ابدعتوا الله يعطيكم العافية






** كل عام و الجميع بخير عيدكم مبارك و تقبل الله طاعتكم


الخميس، 19 أغسطس 2010

تلفزيون

** مساء الخير شلونكم ويا رمضان و لصيام ، والله شحليله خفيف ماتوقعناه هيييك بس حمدالله حتى مع الدوام مع اني من عشاق الاجازات

في رمضان بس اكتشفت ان الدوام وايد اونس

انا من عشاق التلفزيون برمضان و الصراحة السنة كل الحلقات حلوة ماندري شنو نشوف يعني من تصير الساعة 3:30 يبدووون
- أميمه في دار الايتام : حلوه خفيفه توليفه حلوه من الممثليين و جرأة معقولة .

- زوارة خميس : ماتوقع ان في احد مايشوفه إلا اللي مسوين مقاطعة للتلفزيون كيفهم ، بس بصراحه الكاتبة بدعت و كسرت كل التوقعات مع انه احنه للحين ماوصلنه العاشر من رمضان .

- ايام الفرج : حلوه بس اشوفها قطاعي لأن وقتهم ودر .

- اسامة لمزيعل أداء حلو و بصراحه تفاجأنه بخفه دمه سواء اميمة او ايام الفرج
- إلهام الفضالة : دور وايد حلو في زوارة خميس و ترى في وايد جذي بالواقع بدعت بصراحه

-سعاد عبدالله : اناقة مو طبيعية في كل شي .

- مرام : كل شخصية و كل كركتر تسوي حلو عليها و تتمكن فيه يعني ماجنها تمثل حركاتها و كلامها .

** بس اللي لفت نظري يعني العمووم يتابع الحلقات و خاصة زوارة خميس و ينطرها يوم انكم اتابعووون ليش تعذربووون كل شي تعلقون

عليه و كل شي تنتقدونه يعني حرام اهم الله يعلم جم شهر مصورين و تعبانين عالحلقة يعني ترى مو عييب اذا قلتوا الحلقة حلوة

لازم يكون في شي مبالغ فيه يبقى هذا خيال و فيه شويه قصص صجية من هني و هناك .

ابي وصفات حق السحور كل شي يعطش مادري شناكل لحد يقولي تمر و روب لوسمحتوا عشان الرجيم لازم اييدام

- يله بدت اميمة ..

الأربعاء، 14 يوليو 2010

@@

** اهداء خاص إلى فلذة كبدي و بلسم جرووووحي بنتي جوجوه







- أقولها " سرقتي النووووووووووووووووووووووووووم من داخل عيوني و خليتي السهر فيها مؤبد اساقسي عسارتج ماتغمض عيوني ونار الصبر في قلبي توقد "


ليش يا ماما ليش يا حياتي هذي حاله طول اليوم انا هذي حالتي بالدوام







الأحد، 4 يوليو 2010

عندي تذكرة زايدة .. منو يبي ايي

** هذا السرك حلم حياتي اتمنى اروح في يوم من الأيام


الثلاثاء، 29 يونيو 2010

الشرهه مو عليه والله

** يعني ليش اقعد الساعة 10 بالليل اشوف مقابله حق واحد مادري من اي ..... مطلعينه و مهول بنفسه فقير و عايش الدور

لا إمول بعد حسباله انه جورج وسووووف ..

انا مالي شغل فيه كيفه طقاق يطق راسه بس اللي قاهرني و فاقع مرارتي شنو هالسخافه منو ال..... اللي يايبه و منو المعد الفذ اللي

مقترح هالفنان الخطير ذو الكلمات و المعاني السامية اللي يقولها

انا اقول استحوا شوي و عيب اللي قاعدين اتسونا شغل الكروته و ساعتين انقضيها اي كلام ترى ماينفع هالشي معانا

ارتقوا شوي شغل الهلاقه هذا خلوا عنكم و مرة ثانية استضيفوا ناس سنعة

مووووشكل

الأربعاء، 23 يونيو 2010

آخر هوس الامتحانات


** وعليه استخفوا عيالنا من الامتحانات و الحر الله يوفقهم و يعينه على خبالهم

الخميس، 17 يونيو 2010

سقفالله

** دوام .. خطبة .. مييتيينق . . زوارة .. حر .. ماكو بيض ..سيديات .. رجييم .. دزة .. فندق .. صالون .. نجار .. ورد .. حلو قهوة

دورة .. مدرة .. جدول .. اسامي .. بلوقات .. جوجو .. ريووق .. وين الغترة .. خدم .. حديث آذار .. عرس .. قاعة ...مسجات دعاية ... حموله ......


- ترى لاعت جبدي " أنا فاض بيه و ملييييييييييييييييت " شكلي باخذلي تونايت ان موفمبك هوتيل و بطقهم كلهم بالطوفه

الأربعاء، 2 يونيو 2010

شكراً شكراً شكراً



** الموضوع باختصار :


- نظمنا ندوة ضمن دوامنا للمهندس / عادل الجارالله الخرافي صارت عليها لوية بس حمدالله عدت على خير و كل شي كان تمام


قبل يومين ياني تلفون من جمعية المهندسين يدعونا فيه لحضور شي بس ماقالوا شنو رحنا انا و مديرتي و شخص نظم الندوة معاي


رحنه امس ولا مسوين تكريم لكل من اشتغل بالندوة و كرمونا معاهم


كانت لفته وايد وايد وايد حلوه منهم الله يعطيهم العافية ماقصروا و أخص بالشكر ( المهندسة / عالية المنصور ، المهندسة / أمل الهاجري )


مشكورين وايد وايد عساكم عالقوة صراحة اخجلتونا بالتكريم الله يوفقكم شغلكم وايد كان راقي و حلو كان عنوان الندوة " رحلة تميز " بس الصراحة انتوا اللي تميزتوا بشغلكم و روحكم الحلوة وتعاونكم .
** ابارك للمهندسة / بشاير العواد حصولها على رئاسة جمعية المرأة للهندسة العالمية ( جني خرت اللقب بس معلش انا كلش بعيدة عن هالسوالف ) .



** على هامش الهامش :


- شفت يا آرتفل الحريم وين وصلوا :)

الاثنين، 31 مايو 2010

لولا دلالج ما تعنينا طابت خواطرنا و غنينا

** مادري شنو سالفة التاج بس دام الغالية شيخة البنات قالتلي حلي الواجب مانقدر نردها :
اللي محولة التاج شيخه البنات ( الزين )
اسراري السته ؟
مادري اسرار يعني شلون اقولها مابيصرشششششششششششششش
بس هذا السؤال زين قزر
أحول السؤال ل: كل واحد احب يجاوب عليه عشان محد يتوهق

و طبعا العنوان ماله اي علاقة بالموضوع لأسباب شخصية اتمنى تتحقق

الجمعة، 28 مايو 2010

سوالف

* اهلا اهلا شلونكم و شخباركم اليوم اليمعة انشالله ترد اليوم امي ذبحتنا اهي صج مسكينه صارلها بس اسبوع مسافرة بس تعودت







اني اروح بيتنا وايد حتى جوجو مسكينه تمشي و تنادي امي تكسر الخاطر انا مورايحة لبنان موشايفتها خواتي و امي لما راحوا ماعجبتهم يقولون مكسرة و قديمة ( ايه ليش رايحين من الأساس ) بس يبقى الأهم بالموضوع إنا ننطر الصوايغ هيهييي











** صديقتي الصدوق عازمتني على عرس بنت اختها انشالله بعد اسبوعين و هالأيام مادري شيايلي عالأكل يانه و قاعدة فأمس بما انه ماكو شي مفيد اسويه قلت اروح امشي عشان يمكن و انشالله و اتمنى انها تصك البدلة .. الحاصل قمت شحلاتي لبست القميص المعهود مال المشي و بنطلون بو الشباب و طلعت .. من اول لما كنت امشي كنت امر على ريال شايب يقعد برة عالكراسي جدام بيتهم فامس و انا امشي مريت يم بيتهم و بعد واطفت ولا اسمع واحد يقولي السلام وينج من زمان ما مريتي !!!!



وقفت سلمت عليه و مشيت كسر خاطري احس محد يدري عنه و قلت بقلبي و الله انك ياعمي و لو انك ماتعرفني و لا اعرفك احسن من وايد صخول و خصوصا بالدوام نمر و نسلم و مايردون و لا يسلون حتى ما اقول إلا مالت من زينج عاد سلمتي ولا عند يدي اللي راح و ما رد







و بطريق الردة و انا حدي طايح حظي و انا امشي و إذا بشي يناقز جدامي و لا ذاك الجلب انا صبت عظامي لاني قادرة اكمل و لا قادرة ارد و البيت قريب بس موقادرة اوصل ااشر حق الهندي التبن موراضي يستوعب و اوقف يمكن 10 دقايق و لساني واصل لي ريلي من العطش نطرته لين راح مادري وين راح و كملت .. يعني لما تحطون جلاب ببيتكم لاتهدونهم ترى في ناس تخاف حتى لو كان صغير حسوا فينا شوي .... ترى صج نخاف









*** احتفالا بعودة امي حطينا انا و جوجو حنه عشان لما ترد تشوفنا حلوين و ريحتنا حلوة و طبعا محد احط حنه هالأيام إلا انا و جوجو و فضه مرت شاهين الله يرحمها






( رجاءاً لحد يعلق على الزولية انا حاطتهم جذي لأسباب أمنية لحماية جوجو )

**** لليحب هالو كتي في ستاند بالخالدية فوق يم البودي شوب كله اشياء هاللو كتي وايد حلوة حق اللي عندها بنات ..





**** ابي حضانة زينة حق جوجو بس سعرها معقول حضانة بألف و نص ليش .. افيدونا لو سمحتوا





- ليش السيايير صايرين نار ابيييه غالين بشكل مو صج منو منكم مجرب جيبات الفورد ؟

الجمعة، 14 مايو 2010

اللي جابك هو حبي ولا شي ن مستخبي !!!




** أهلا أهلا شلونكم ادري فاقديني من غير شر بس مادري شفيني قريحتي البلوقية حايشها جفاف .. المهم في جم شغله حبيت اقولها

*** امس معزومة على عرس مع اني اكره روحت العروس بس ساعات يكون لازم ان نوجب الناس بس صارت جم شغله لفتت نظري

أولا : ليش المعازيم اليهال أكثر من الكبار ؟؟

ثانيا: ليش فطاير محيسن يدورون فيهم مع الجاي بعد دشت العروس انا خابرة ينزل حلو القهوة جان هذي هبه يديدة والله مادري ؟؟

ثالثا : كلش ماله داعي بنت اخت العروس تسوي وقوف عالراس بالكوشة و العروس توها داشه

رابعا: ليش أغاني ساجدة عبيد بالعروس ترى عيب اذا تحبونها حطوها بيمعتكم و رقصوا عليها بروحكم

خامسا: البنات المومتزوجات ماله داعي ترقصون على كل اغنية بالعرس يعني شوفوني عفيه حيل ماتعيزوووون ؟

سادسا : عمرج 60 سنه حدج ترقصين على يا شايل الظبي ولا ياسعود رجاءا رجاءا مو سواح و تسوين حركات حسبالج دينا

سابعا: لاتتزوجون من الأهل ترى والله يسبب الأمراض و في بعض الحالات يسبب عقم

ثامنا : بعرس الرياييل كلش ماله داعي تقولون حق ريلي الفال لك هذي نغزة ولا شنو ؟

==========================

** طبعا احنه زوارتنا عند امي يوم الثلاثه فحبيت اسوي كيكة يعني مو بس جاي الضحى كل يوم حاطه شي و طايحتله طبخ فحبيت انافسها

قمت و سويت الكيكة الحلوة هذي بس ماراح اقولكم منو كلاها انتوا راح تعرفون بروحكم و اللي يبي المقادير اسفه ما اعلم

==========================

اذا احد طلب مساعدتكم عن التفلسف الزايد و تسووون نفسكم بتصلحون الكون ترى ما يالكم إلا ان انه صج محتاج احد يكون معاه

السبت، 3 أبريل 2010

smoooooooooooooooooth

** صباح الخير ..

- مزاجي سمووووثي سنتاني عقب الويك اند اللي كنت فيه الووووون و اهلي كلهم مسافرين لوما الغنايم شوي عدلت المزاج

ترى خوووش غنيه ( جندووول ترجمي احممم )

الثلاثاء، 23 مارس 2010

خاطاني السوووووووووو




** صباح الخير اشلووونكم و شخباركم


والله اليوم انا شزيني قاعدة مبجر قلت اطلع اروووح الدوام عشان الحق عالبصمة و انا يايه طفت الإشارة و لا مادري شكفخني

ماحسيييت إلا السيارة تفتر فيني جني راكبة الأكوابة اللي بالترفيهية و مدري شكفخ راسي المهم لما وقفت عشان استوعب اللي صار

ولاشفت ريال نازل اللي دعمي و لا منو صاحب البيت اللي إحنا ساكنين عندة انا شفته و ينزل علي ضحك مادري من وين الريال يحاجيني

و انا قاعدة و أضحك عالموقف الحين موجذي السيارة النحيسة متنحرة بنص الشارع موراضيية تتحرك و كل مادقيت على احد اقولة

دعمت راعي البيت يقعد يضحك علي عاد الصبح دازة مسج حق مرته بصراحة بالبداية خفت ادق على ريلي دقيت على ريل اختي

لأن بيتهم يمنه تالي قلت لازم اقوله جووود اهو كان نايم و كان الحوار كالتالي :

أنا : ألو حبيبي صباح الخير انت وينك " طبعاً نايم وينه يعني بس كنت اسعبط "

المقروود دائما ً : موتوج طالعة وشايفتني نايم اشتبييييييييييييييييييييييييييييين افففففففففففففف

أنا مدقورة و متعووومسة : هي هي هي انزين قوم انا دعمت و السيارة واقفة بالإشارة إحمم

المقروود دائماً : شنوووووووووووووو شلوون وينج الحين من طفاقتج حتى سياقة مثل الناس ماتسوقين وينج فيه

أنا ميته ضحك : مو انت ماتدري انا من داعمة لووووووووووووووووووووووووووووول و أضحك

أهو : منوووووووووووووووو

أنا : راعي البيت كااااااااااااااااااااااااااااااااااااااااااااااااااااااااااااااااااااااااااك

أهو : الله يغربلج رحنه فيها كاني ياي ما ايي من وراج شي عدل

** طبعاً لصقت الدعمة فيه و أنا طلعت منها و كلمة حق لازم أقولها إحنا أثنينا غلطانين بس الحمدالله جت سليمة قدر و لطف و

مابقى شي على السيارة اليديدة انياهاهاهاهاههاهاهاهااهاهاهاهاهاه

الثلاثاء، 23 فبراير 2010

شنووو يعني




** يعني ليش صارلي اسبوووع ابي حجز حق فلم شارووخ ماكوو تذاكر ولا بأي وقت شنووو يعني لي متى :(


- ماكو تذاكر حق الفلم تنباع بالسووووق السودة مستعدة اشتري التذكرة ام 6 اب 10 يلة منو يبيييع قابل للمساومة حرام عليكم


انا عندي بيبي يعني ما اقدر ارووح إلا بالوييك اند دبرووولي بس تذكرتين موووو صج اللي قاعد يصييير



- الحلوين اللي يسألووون شصار بالعرس أقولهم رحت صالوون مس ون بقرطبة الميك اب مشه حاله ناعم و بسيط لكن


الشعر صفيييت على سشوار للأسف صراحة صالون فاشل فاشل فاشل و معاملتهم تحت الصفر " اللي مايطييع اضيع "


ابييييييييييييي ارووووووووووووووووووووووووووووووووووح الفلم :(................................

السبت، 13 فبراير 2010

النجدة يا بنات


** صباح الورد شلونكم و شخباركم
- بغيت استشارة عندي عرس يوم الخميس انشالله و ابي احد يسوي شعر زين مشكلتي ان في كل حفلة شعري اييب الهم
مادري ليش جربت كل مكان " لامود - ليلى هيرموني - كلير -شحيته و محيته ) و غير اللي اييون البيت و ماكو فايدة
فبليز اللي عندها وحده او مكان زين و بسعر معقوول قولولي ابي مثل الصورة
- السؤال اللي يطرح نفسة بما ان الكلام عن العروس :
- ليش كل اللي يرقصون شرقي متان !!!!!!!!!!!!
- ليش رقص السمر حلو ؟
- ليش 10000 وحدة ترقص على يا محمد ليهالدرجة الغنية حلوة ؟
- ليش لازم بالحفلة وحدة فصلة الكل ينطرها تقوم عشان يضحكووون ؟
- ليش بعض الحريم لازم تقعد لين يدش المعرس و ريلها شاخلها تلفونات و معطيته طاف ؟
- ليش لازم كيكة 600 طابق و مسوينها بالشيء الفلاني عشان يقصونها المعاريس و عقب محد ياكلها ؟

السبت، 30 يناير 2010

salaam namaste

** صباح الخير شلونكم صارلي فترة لويه مشالله ساعات الواحد حتى مايكون له وقت حتى حق نفسه ..

اخيراً يانه البرد عفيه بنات لاتخرعونه بالبوتات و الفرو خل نستانس فيه شوي والله انه ما طفينه السنترال هالسنه :(

عندي جم سؤال ودي استشيركم فيه بما أن الحين فترة تقييم و العموم متأزم منها :


- ليش المسئول لما إي يقييم الموظف يقيمه على اساس شخصي مو على كفائته ؟

- ليش فجأة نمر تسلم الصبح عالبنات العموم يطالعووون بس محد يرد ؟

- ليش الإدارة ثلاث أرباع الموظفين يصيرون حق المدير ؟

- ليش وحده تداوم بالاسبوعين مرة تاخذ متياز و واحد يكرف بروحه بالقسم طووول السنه حاطين له جيد جدا ً ؟

- ليش البنات صاروا مودلز بالدوام يعني عادي تلبس قميص و تحته بوووت طويل و حجاب !!!!!!!

- ليش صار ماكو احترام لا حق مسئول و لا مدير ، يعني انا لما اسمع صوت المديره بالممر يصير سونامي عندي و الله اتصرقع

ترى مو خوف بس احترام .

- ليش بعض المدره السيئيين يقعدووون 7000000 سنه بالمنصب مع ان الكل يدري انه مو زين ؟

================================


** البنات اللي يحبون الأفلام الهندية في فيلم حلو دمه خفيف اسمه سلام نمستي انا حبيته وايد الممثلين فيه سيف خان و برتي

واللي شاف الفيلم يقولي اهي شنو تاكل كلينكس يعني شلون بطنها جذي والله لو اعيش عالماي ما اصير مثلها و الحمدالله الف مرة

ان اغلب رياييلنا مايشوفون الأفلام الهندية مير الهنود شي مو صج اجسام غير شكل .

اما الممثل ذكرني بصديق عزيز علي وايد اهو صج سعلوووو بس خوووش ولد :)

** نسييت اقووولكم باركوووولي جوجو مشت أخيراً

هذا مقطع من الفلم انا احب هالسوووونق كيفي .