الخميس، 19 أغسطس 2010

تلفزيون

** مساء الخير شلونكم ويا رمضان و لصيام ، والله شحليله خفيف ماتوقعناه هيييك بس حمدالله حتى مع الدوام مع اني من عشاق الاجازات

في رمضان بس اكتشفت ان الدوام وايد اونس

انا من عشاق التلفزيون برمضان و الصراحة السنة كل الحلقات حلوة ماندري شنو نشوف يعني من تصير الساعة 3:30 يبدووون
- أميمه في دار الايتام : حلوه خفيفه توليفه حلوه من الممثليين و جرأة معقولة .

- زوارة خميس : ماتوقع ان في احد مايشوفه إلا اللي مسوين مقاطعة للتلفزيون كيفهم ، بس بصراحه الكاتبة بدعت و كسرت كل التوقعات مع انه احنه للحين ماوصلنه العاشر من رمضان .

- ايام الفرج : حلوه بس اشوفها قطاعي لأن وقتهم ودر .

- اسامة لمزيعل أداء حلو و بصراحه تفاجأنه بخفه دمه سواء اميمة او ايام الفرج
- إلهام الفضالة : دور وايد حلو في زوارة خميس و ترى في وايد جذي بالواقع بدعت بصراحه

-سعاد عبدالله : اناقة مو طبيعية في كل شي .

- مرام : كل شخصية و كل كركتر تسوي حلو عليها و تتمكن فيه يعني ماجنها تمثل حركاتها و كلامها .

** بس اللي لفت نظري يعني العمووم يتابع الحلقات و خاصة زوارة خميس و ينطرها يوم انكم اتابعووون ليش تعذربووون كل شي تعلقون

عليه و كل شي تنتقدونه يعني حرام اهم الله يعلم جم شهر مصورين و تعبانين عالحلقة يعني ترى مو عييب اذا قلتوا الحلقة حلوة

لازم يكون في شي مبالغ فيه يبقى هذا خيال و فيه شويه قصص صجية من هني و هناك .

ابي وصفات حق السحور كل شي يعطش مادري شناكل لحد يقولي تمر و روب لوسمحتوا عشان الرجيم لازم اييدام

- يله بدت اميمة ..

هناك 21 تعليقًا:

قلب طفله يقول...

رمضان خفيف و يهبل لان معطلين ربي
رحمنا اجازتنا مع رمضان عسى ربي
يتقبل منا ومنج صالح الاعمال يارب :)

بالنسبه للمسلسلات :
اميمة في دار الايتام حلوه
ليلة عيد حلوه و تعور القلب
زوارة خميس تييييييييينن احسها تتكلم
عن كل بيت كويتي يمعتهم مشاكلهم افراحهم احزانهم بختصار روعه :)

نمووول يقول...

للأسف ما اتابع مسلسلات وايد, بس الكل يمدح زوارة خميس وشفت منه اجزاء من الحلقات وكانت حلوة, الممثلين كلهم مبدعين بادوارهم والكاتبة خطيرة ,عيشتنى بجو العائلة الكويتية الطبيعية,

حق السحور يا محفوظة السلامة
كوب جاي وحليب + بقصم

ودمتم

jonoon 3aqel يقول...

السلام عليكم

اشلونك اختي؟ و اشلون الصغيرونه مع رمضان؟

انا اتابع زوارة خميس...ع وقت سحوري... الساعه ١...
حلو المسلسل،،، فيه شخصيات وايد.. و كلها رئيسية... و يمكن هذا اللي مخلي البعض ما يقبض مع المسلسل...


مممممممممممم
و وين راح ليلة عيد ؟؟!!


:)

تقبل الله طاعتكم

تحياتي

نمووول يقول...

يصير اغير اقوالي?
شكلي عطيت زوارة خميس عين
بدت تظهر عليه اعراض حمى الافلام الهندية

ميمة السبيت يقول...

** قلب طفلة :

- كل عام و انتي بخير ايه والله شحلاته ومشالله اليوم عاشر غمض فتح إلا طار

حلوين الحلقات بس ليلة عيد مادري ماحبيتها حياة الفهد العام و السنه قيم اوفر

حياج الله يالغالية

ميمة السبيت يقول...

** نمووول :

- شنو حلييب و جاي عشان لين تصير الساعة 11 إلا انا ميته يوووع

نمووول انا اقووولك العبرة بالنهاية انطر شوف الكاتبة كسرت كل التوقعات بالحلقة

توة يايني إيميل عن النمل والله ذكرتك قلت بدزة لك

ميمة السبيت يقول...

** جنون عاقل :

- اهلا اهلا بالباش مهندس مبرووك الوظيفة يالله اطحس ويانا بالدوام بس ترى وناسة والله يطوووف الوقت مشالله

شريت قرقيعان نبي صور خلنشوووف القرقيعان بقطر

chandal/danchal!! يقول...

هيلووو ميمة
تو ما نور داش بوردي
:*


اتابع زوارة خميس وعلى اجزاء متقطعة

ربع ساعة من كل اعادة اشوف اللي طافني




اخاف اقولج سحوري تمر وروب وساعات يعن علي حليب وجاي مع بسكوت نايس

:)

ساره النومس يقول...

كل عام وانتي بخير يالغالية

غير معرف يقول...

إمممم
أنآ أتابع أميمة و زوارة خميس
و مرات أشوف ساهر الليل
يااي يا ساهر الليل ودي لو أعيش بالسبعينات اللبس و الستايل و كل شي اينن و الجامعه شكلها يونس :)

هبة مشاري غطت على فجر السعيد بقوة
و ردت لنا الحلقات الحلوه اللي على وزن جرح الزمن و دارت الأيام ..

ميمة مشكوره عالبوست :)
و مبارك عليج باجي الشهر

ميمة السبيت يقول...

** جندل :

- حبيبتي منور بوجودج مس يووو والله يا ست الكل

شنو بسكوت نايس الله يهداج جان من تصير الساعة 12 إلا انا ميته يووع

ميمة السبيت يقول...

** طموحة مملوحة :

- الله يسلمج يالغالية علينا و عليج انشالله

ميمة السبيت يقول...

** برنسس سارة :

- حياج الله يالغالية علينا و عليج انشالله ، كل الحلقات حلوه بس زوارة خميس التوب هالسنه

اقصوصه يقول...

رمضان كريم

مبارك عليكم الشهر

وكل عام وانتم بخير :)

ARTFUL يقول...

شلونج مع المسلسلات المصرية؟


:)


والله أحسن سحور وما يعطش حدا الشايتين:

بيتزا

او

كباب

وشكرا

ميمة السبيت يقول...

** آرتفل :

- انشالله نحاستك برمضان :(

aL-NooR . يقول...

هلوووووووووووووووووو
ميمة :*
شلون جوجوه :* ؟

اممممممممم انا اطالع زوارة خميس و هم مو كاملة .. يعني رسمي رمضان هذا مو متابعة عدل ..

اممممممم سحور ...
محلبية بااااااردة
p;

*****************

ميمة السبيت يقول...

** نور الدنيا :

- هلا هلا بشيخة البنات ، جوجو عامله عمايل برمضان الناس تراويح و بنتي تغني بحر الشوق لطامي :(

محلبية بارده !!!!!!!!!!

هذي ايووع قبل ما اخلص الصحن مالها الله يهداج

Ahmed Al-Salami يقول...

هلا بميمة السبيت..
بالنسبة لي مادري عن التلفزيون ولا ادري شصاير فيه.. غير الاخبار العاجله والمقتطفات السريعة ماشوف.. أحيان لما اكون (فاضي) اخذ (جوله) سريعة على القنوات.. واقطف من كل بستان (زهره) وامر عليها مرور الكرام.. الانطباع العام عن التلفزيون بالنسبة لي.. يدل على أن القنوات الفضائية تكرر نفسها والمسلسلات لا جديد فيها.. مشاكل.. ورث.. هواش.. نجره.. طق.. طراقات.. فناقر.. بجي.. صراخ.. بويات.. الخ..
المفروض تكون المسلسلات اكثر اتزان وتطرح المشكلة وتحط حلول لها مو بس يسلقون بيض وبجي وصراخ وطراقات ..

وقرقيعان وقرقيعان.. وين قرقيعاني..؟! ومو تقصين علي وتقولين ما قرقعتي..

ام الخير يقول...

رمضان خفيف بس بصراحه مو مال دوام انيي الدوام امغمضين وجان زين في شغل وبالنسبه حق المسلسلات او الايام شاده حيلي اتابع عدل بس من قلة النوم كله نايمه وزوارة خميس ماقمت اشوفها بعد ما عرفت نهايتها حرتني واميمه حلوه وساهر الليل حلوه بعد وسلامتكم :)

Someday يقول...

اتوقع الحين بعد الحلقه 18 تغير رايج بزواره خميس