الاثنين، 30 مارس، 2009

والله عيييييييييييييييييب



** أنا بفهم اللي موقد لحجاب و مومقتنعه فيه ليش لابسته من الأساس ؟؟

يعني اعتقد والعلم عند الواحد الأحد أن اللي تلبس لحجاب و تقطه اهما سببين :

1- اما مغصوبه اهلها مدينيين فانفرض عليها و اهي ماتبي . 2- او شعرها كشه و مالها خلق تسوي كل يوم و ماعندها فلوس تسوي يوكو مادري توكو مادري شسمه المهم اللي سوي الشعر ناعم .

* يابنات ترى لحجاب ستر عيب اللي قاعد يصير الله يعاقبج والله يحت شعرج كله و ذيك الساعة لايفيدج لا يوكو ولا زيادة ولا شي

يعني خلاص فصختوا حجابكم و دينكم و حيائكم اشبقى بعد ترى على فكرة هذي موحرية هذة تخلف .

اليوم يفصخون لحجاب و باجر لبلوزات و اللي عقبه الظاهر ........ .

انا اقول ياربي اشفينا عمرنا ماكنا بهالويه والتدهور على كل المجالات سياسة كلها مصالح ، اقتصاد من صادها عشى عياله

تعليم صايرة المدارس اخطر مكان اروحوله اليهال الواحد قام مايأمن على عياله حتى بالمدارس ، الصحة الواحد يدش فيه كحة يطلع فيه فايروس خطير ابذمتكم عمركم سمعتوا ان مستشفى منتشر فيه فايروس ؟؟

و الله هذا سخط و عقاب من رب العالمين

يعني باجر انتي شلون بتربين عيالج و تحافظين على بناتج إذا امهم كانت قاطه لحجاب ..

الله يستر علينا و على عيالنا

الأربعاء، 25 مارس، 2009

احباط

** تعرفون وايد اشياء تييييب الاحباط و تخليك تكره نفسك و تحقد على الناس و تطيحله سب فيهم لييي سبع سنين جدام مثل :


1- حدي لايعه جبدي من دوامي و ابي اغيره اقول حق واحد من هذول شغل واسطات و اييييييييييييييي خلاص اعتمدي حسبي نفسج

متعينه .. اخر شي طااااااااااااااااااااااااف عادي

2- صارت صكه بالدوام بينك و بين احد الموظفات طبعا الشغل مع البنات حده وييييييييييع يازين الريايل والله السنع كله المهم تصك

هوشه و انا على حق ادش عند المديره ياعل ماكو مديرة و تقول خلاص اعتمدي اخذ حقج اطلع من مكتبها و طاااااااااااااااااااااااف

3- مسكينه المرة يواعدها ريلها بسفرة غير شكل اللي يسمع يقول بلف فيها كل اوروبا و لين ايي الصيف إلا هادها و مسافر مع ربعه

4- تيي الصبح حد الكشخة الدوام عندك موقف امحصله بالتفق و ياي متأخر تدق الهرن حق المصري يرفعلك الحديده ايي و يقولك

اسف يا باشا التصريح بتاعك خلص !!! حد الفشله وانت ترجع قري جدام خلق الله

5- اطيح حظي و انا احن ابي تذكرة حق حفلة رويشد حتى لو اوقف كل الحفلة و العموم اقولي خلاص اشوفلج و ادبرلج و طااااااااااااف

6- انوم البنت و اكشخ و حالتي حاله يعني مسويه جو اي ريلي ادش الدار يطالع lost ادش عليه الدار ولا نايم @@

7- نتواعد نبي نروح نتعشى بره و قبل الطلعه ابساعتين تبدي الملاقة كل ساعة واصل مسج واحد مكنسل

8- اقص شعري و لما ارد البيت ما اعرف اسويه و اصير جني هوله مسكينه

9- ادش نادي و اطيح حظي كل يوم رازة ويهي و رايحه و راده من النادي اخر شي ولا الوزن زايد شلون مادري

10 - اسوي مدونه و خابه الناس و حالتي حاله بس محد ادش إلا انا :(

الأحد، 1 مارس، 2009

ليش

** في شي صاير بالشارع حده ينرفز يعني الواحد يطلع من البيت يرتفع ضغطه و ايله السكر و بالنسبه لي دايماً الضحية ريلي

مسكين تصك الهوشه بينه ليش ادوس ليش تلف طق اشاره الناس يلفون عليه و انا اتهاوش معاه .... حنه و رنه والبوز شبرين

لين نوصل .. ماتسوى علينه هالطلعه .

** ليش صاير ماكو شي اونس هالأيام بيت دوام ، دوام بيت وإذا طلعنا رحنا مول فراره عالفاضي أو مطعم حق البلعة و المصيبة صحنين

مايسوون ب 20 و 30 دينار يعني حتى لو تطلع مو وناسه أول كله يمعات عالغدا أو عشا حتى لو صمون بطاط و بيديان و صمون

مشكل مع اليمعة والله يحلاته اينن بس وين إذا لقلوب من داخل تغيرت الإخوان مو متصافين شلون الغرب زمن أغبر اللهم يكافي وكل شي

كوم و سوالف الدوام لا شكل تاني حبك انته هذا نسولف في مره ثانية انشالله ( جنيي استانست عالوضع و كل ساعة داشة كاتبة ) ....