الأربعاء، 25 مارس 2009

احباط

** تعرفون وايد اشياء تييييب الاحباط و تخليك تكره نفسك و تحقد على الناس و تطيحله سب فيهم لييي سبع سنين جدام مثل :


1- حدي لايعه جبدي من دوامي و ابي اغيره اقول حق واحد من هذول شغل واسطات و اييييييييييييييي خلاص اعتمدي حسبي نفسج

متعينه .. اخر شي طااااااااااااااااااااااااف عادي

2- صارت صكه بالدوام بينك و بين احد الموظفات طبعا الشغل مع البنات حده وييييييييييع يازين الريايل والله السنع كله المهم تصك

هوشه و انا على حق ادش عند المديره ياعل ماكو مديرة و تقول خلاص اعتمدي اخذ حقج اطلع من مكتبها و طاااااااااااااااااااااااف

3- مسكينه المرة يواعدها ريلها بسفرة غير شكل اللي يسمع يقول بلف فيها كل اوروبا و لين ايي الصيف إلا هادها و مسافر مع ربعه

4- تيي الصبح حد الكشخة الدوام عندك موقف امحصله بالتفق و ياي متأخر تدق الهرن حق المصري يرفعلك الحديده ايي و يقولك

اسف يا باشا التصريح بتاعك خلص !!! حد الفشله وانت ترجع قري جدام خلق الله

5- اطيح حظي و انا احن ابي تذكرة حق حفلة رويشد حتى لو اوقف كل الحفلة و العموم اقولي خلاص اشوفلج و ادبرلج و طااااااااااااف

6- انوم البنت و اكشخ و حالتي حاله يعني مسويه جو اي ريلي ادش الدار يطالع lost ادش عليه الدار ولا نايم @@

7- نتواعد نبي نروح نتعشى بره و قبل الطلعه ابساعتين تبدي الملاقة كل ساعة واصل مسج واحد مكنسل

8- اقص شعري و لما ارد البيت ما اعرف اسويه و اصير جني هوله مسكينه

9- ادش نادي و اطيح حظي كل يوم رازة ويهي و رايحه و راده من النادي اخر شي ولا الوزن زايد شلون مادري

10 - اسوي مدونه و خابه الناس و حالتي حاله بس محد ادش إلا انا :(

هناك 4 تعليقات:

الزين يقول...

والحين آنا

@@


اعطيج حل

علقي عندي وعند الناس

كل مكان علقي عشان الكل ينتبه لج

ويبلشون يدشون يشوفون شعندج

وعطيهم شويه لسان حلو

جك بك

ولا الكل يعلق عندج


اووووووش


سر ترى


وسااااعة المباركه اللي انظميتي لعالمنا المتلون

:))

I7na 3shagnaha يقول...

لوووول

عجبتني خطة الزين :))

صح انا شفت تعليقج عند جندل و دخلت على طول على مدونتج ابلغ شفي

خطة زين ماتخرش المية :))

بوستج صج احباط .. بس ترى عادي
كل انسان يمر بهيج ظروف :)) بس عاد مو دوم

تفاءلو بالخير تجدوه

فرصة سعيدة :)

بنت الشاميه يقول...

وانا الثالثه

شفت تعليقج عندي ....يت اتعرف عليج
ولا يهمج هذا هى الحياااااة
يوما لك ويوما عليك
يبلهاااا صبر وسعة صدر

الله يوفقج بمدونتج

ميمة السبيت يقول...

ايوا يا ايوا صار عندي ربع ايوا يا ايوا .........

مشكورين نورتوا مدونتي حياكم الله المرة اليايه اييب 4 درازن بيدزا قيصر و نقول حق استكانه تسلفنا ستكانتين جاي و طيحله سوالف ...