الخميس، 23 ديسمبر 2010

just shoot me


** بين مرض امي و دخولها المستشفى و حرارة جوجو اللي موراضية تروووح صارلنا اكثر من 8 أيام و الروحة و الردة و الله اني




ماعندي وقت حتى اسوي شعري




كل اللي اتمناه يوم كامل في سبا تايم والله صراحة اللي سوته هني خذت اجر من ورانه




يوم كامل مافي تلفون ولا واتس اب و لا ميل ولا شي بس انا و Hot oil و صوت الموسيقى ما بي افكر في اي احد و لا في اي شي




و لويحصلي انام عندهم بعد راضية
** بصراحة تفاجأت من مستشفى دار الشفا بعد ما عدلوه و سنعوا الغرف الله يعطيهم العافية صار وايد راقي و خدمتهم وايد حلوة ..




Happy weekend 2 u all




هناك 11 تعليقًا:

غير معرف يقول...

الله يشاافي امج وبنتج يااارب :)

رورو الشخبوطه يقول...

الله يشفي اميمتج و بنيتج يرب..

اذا بالخاص جربي السبا مالهم لانه اغلبهم في سبا..

وحجزيلي معاج مو لاقيه مكان يسوي اظافري اهي اهي :\

شاي الضحى يقول...

ما يشوفون شر

اجر وعافيه

bent el deera يقول...

ما يشوفون شر ان شاء الله

وسلامتهم الف سلامه
الله يعطيج العافيه وان شاء الله تييج دعوه حق سبا وبيركفست ان بيد ان شاء الله :**

chandal/danchal!! يقول...

سلامات, ما تشوفون شر
طمنينا عنكم!


قلبج على قلبي بسالفة لسبا

sa5er يقول...

الله يعينج على ما بلاج ..
امتحان من رب العالمين ..

وحيد في المنزل يقول...

سلامة الوالده ما تشوف شر
سبا تايم وين ؟ و اكو منه حق رياييل ؟
تقبلي مروري
و اتمنى تشرفيني في مدونتي الجديده
شكرا

Hope يقول...

الله يشافي مرضانا و مرضى المسلمين
ما تشوفون شر خطاكم السو

ARTFUL يقول...

سلامات ما تشوفون شر

:)

Ahmed Al-Salami يقول...

الله يحفظكم ويكفيكم من الشر.. وربي يستر عليكم ويسهل اموركم.. :)

سلمي لي على الوالده ربي يحفظها.. وقولي لها اجر وعافية.. وبوسي لي بنيتج وقولي لها سلامااااااات ما تشوفين شر

الوســــــــــــــــم يقول...

خطاكم السو عزيزتي

يوم سبا كامل اوه والله فكرة

خطتي بعد نهاية هالكورس البايخ يوووووم سبا طويل

ثانكس اوحيتي لي بفكرة روعه