** صباح الورد شلونكم و شخباركم
- بغيت استشارة عندي عرس يوم الخميس انشالله و ابي احد يسوي شعر زين مشكلتي ان في كل حفلة شعري اييب الهم
مادري ليش جربت كل مكان " لامود - ليلى هيرموني - كلير -شحيته و محيته ) و غير اللي اييون البيت و ماكو فايدة
فبليز اللي عندها وحده او مكان زين و بسعر معقوول قولولي ابي مثل الصورة
- السؤال اللي يطرح نفسة بما ان الكلام عن العروس :
- ليش كل اللي يرقصون شرقي متان !!!!!!!!!!!!
- ليش رقص السمر حلو ؟
- ليش 10000 وحدة ترقص على يا محمد ليهالدرجة الغنية حلوة ؟
- ليش لازم بالحفلة وحدة فصلة الكل ينطرها تقوم عشان يضحكووون ؟
- ليش بعض الحريم لازم تقعد لين يدش المعرس و ريلها شاخلها تلفونات و معطيته طاف ؟
- ليش لازم كيكة 600 طابق و مسوينها بالشيء الفلاني عشان يقصونها المعاريس و عقب محد ياكلها ؟
هناك 34 تعليقًا:
ماعندي اجابات بس اذا تسمحين بضيف سؤال ليش عرس الحريم يستمر لاخر الليل ؟
ليش ما يبلش المغرب وبعد العشاء الكل يفل ويرجع بيته وكل وحدة تجابل ريلها .. هههههههه
انصحج بصالون عبير الياسين جلامر
في وحده اسمها فاتن لبنانية فلته بالتسريحات
وانا شعري طويل وايد وتاخذ مني
45
رقمهم 22626277
هاهاهاهاهاهاهاي
ضحكتيني على أسئلتج :)
اممم جربي موس بالجابرية
متخصص حق الشعر
صدقيني ماراح تندمين
اسعاره بين 15 و 25
فممتاز يعتبر
وايد يظبط التسريحه
واتحسين بروفيشينال
:) وصروعتيني على العنوان
حبي:*
اول شي صباح الخير
ثاني شي اذا لقيتي صالون زين علميني
ثالث شي المتان الأنوثه عندهم مكتكته
:) عشان جذيه يرقصون شرقي
رابع شي السمر رقصهم بدعه لأن تركيبة العضلات بجسمهم تختلف عن البيض والعلم عند الله
خامس شي الفصلات وايدين
خلج اللي تضحكين عليها
تعالي شوفي اللي تتبهرين باللي لابسته وعلى بالها مووووت
سالفة الحريم هذي مادري عنها
الكيكه عرف من اعراف الأعراس
خلصوا!!
:)
روحي لاشز اليرموك عند سيبيل
شفت شغلها على رفيجتي روعه
واغنيه يامحمد
احبببهاااااااا
مادري ليش;p
السلام..
انا من زمان عن الصالونات والعروس واساس ماسوي تسريحات كله بف وعادي او كيرلي وبف بس اغير بالاككسورات او اسوي حركه بسيطه بالقذله ..
المهم بالنسبه للاسئلة..
- المصيبه ياخذون راحتهم اكثر من لازم :\
- يمكن لانه اجسامهم حلوه واهما يحبون الطرب خخ..
- بتسوي مقارنه بيم النعرس والعروس..
- كالعاده للتعنفق ومظاهر مدام محد ياكلها خل يسونها تمثال وطابق بس ينوكل :\
ومرسي..
ممممممممم مادري بس اللي اعرفه ليلى هارموني وحنان دشتي شي بالشعر ... بس جربي بريجيت او كونتيننتال جود يعجبج :)
الاجابات ..
-لمتان مادري تحسين كل شي يهتز فا تحسينهم يهزون وايد
-السمر لان المسالة موجوده وراثيا من افريقيا :q
-الاغنية ماعرفها ..بس اكيد هبه نفس ام شامه
-الكيكة 6000 قصدج *_* منظر .. آنا أقول لو يخلون اللي صوب المعاريس كيك .. والباجي فلين مجسم وايد أوفر لهم *_*
ممممم شنو بعد ؟ نسيت احفظ باجي الاسئلة علشان اجاوب
وان شالله تحصلين مكان يريحج :)
بما ان اسم محمد الأكثر شيوعا فمن الطبيعي الكل يقوم يرقص عليها (يا زوجها, ولدها, اخوها, ابوها, عمها المفضل, خالها خليص امها!).... شنو اغنية يا محمد!
ما اقدر افيدج بسالفة الصالونات لأني مو صوبهم
ومسائج فُللي
:)
صالون حنان دشتي فرعهم اللي
بفندق كويت كونتننتال
وحده اسمها زييينب
شغلها عجيييييب وسريع
انا شعري لي ظهري
وطلبت تسريحة رومانيه
اللي تصير كبه نازله
اول شي سشورت شعري والله ما اجذب عليج ولا ابالغ الشسوار خذا 3 دقايق
والتسريحه 10 دقايق
وشغلها مضبوط , واسعارهم زينه
هذي التسريحه سهله ترى بس اشتري حشوة حق الشعر ووديها معاج .... يمدحون صالون وردة الجابريه حق الشعر واسعاره مناسبه بس عيبه زحمه
صالون أبولو في ليلى جاليري خطيرررر
وروعه شغلهم + صالون موس بالجابريه حلووو شغلهم
صالون موس بالجابرية وحده تركيه نسيت شسمها بس عجييييييبه بس نوريها الصورة و تضبطلنا الشعر نفس اللي بالصورة و شااطره
و الاسئله تحفه !
و شكرررا =)
الحال من بعضه :)
قاعده ادور صالون زين مكياج وتسريحه ..
ومنكم نستفيد ..
جربي بيتي بوب بالجابريه .. ماشاءالله تسريحاتهم تهبل واتينن .. يورونج اياها بالكمبيوتر وكل تسريحه احلى من الثانيه تحتارين شتختارين
القي نظره :)
أنا شخصيا أحب الستايل الناعم بالتسريحات او المكياج ..
عادة اختار التسريحة من مجلة أو النت و أوديها لهم ، و انصحج بهالصالونات من تجربة :
1) إذا بتسوين تسريحة تكسير :
صالون موس بالجابرية مقابل بنك الخليج : شغلهم وايد حلو بس مشكلتهم تروحين و تنطرين و تطلع عليج التسريحة 15-20 أما إذا تبين موعد فأي شي تبين تسوينه حتى لو بس اسشوار = 30 دك ، أنصحج بوحده اسمها سميرة، تعاملها حلو
2) صالون فليكس الشعب ( تبع النادي الرياضي فليكس ) تسريحاتهم حلوة و شطار تبدأ أسعارهم من 35 دك ، بس لازم تأكدين عليهم إن يرشون سبراي وايد عشان ما تتفل التسريحة
أنصحج بوحدة اسمها حنان تونسية ، لازم تحجزين موعد
3) صالون اسمه كاجال بالسرة قطعة 5 ، فيه وحده لبنانية اسمها سامية حدها شاطرة و تسويلج التسريحة اللي تبينها ، حجز موعد 25350855
و عندي بعد صالونات ثانية بس هذيله أفضل 3 عن تجربة شخصية.
و نصيحة ذهبية : انتي اختاري التسريحة و وريهم صورة و قولي تبين نفسها و لا تخلينهم على كيفهم
و تمنياتي لج ب"لوووك" مميز :)
رقمهم : 22616661
* نمول :
- لأن يانمول انا شخصيا اروح العرس عالساعة 9:30 على ما أخلص لوية الصالونات فيالله يمدي
و اذا ريلها قعد بالبيت و جابلها ذيك الساع ترد تجابله
* تيماء :
- مشكورة وايد حبيبتي عبير شغلهم وايد حلو و مكياجها راقي مشالله
حياج الله يالغالية
** سلة ميوه :
- اهلا اهلا يادكتورة والله مشالله وايد قاعد يمدحون هالصالون صراحة ماجريتة بس بدون موعد يصير لوية متى اخلص ؟
اخاف زحمة و أتأخر
** زيونة شيخة البنات :
- والله البنات ماقصروا عطووني اماكن حلوة و انا نفسج كلش مو صووب الصالونات بس هذا عرس بنت خالتي قريبة يعني ما اقدر ما اروح
- اجاباتج عجيبة مت من الضحك
** سنعة :
- ايه مو هذا السؤال ليش ؟
مشكورة حبيبتي ماقصرتي
** ام الفناتق :
- ايه مو انا ما اعرف اخلي شعري مفلوول اتضايق منه و من ادخل الحفلة على طوول كماشة و رافعتة وهذي حالتي كل مرة
** الوتين :
- انشالله يبيلي هالاسبوع افتر عليهم و اشووف
مشكورة يالغالية
** جندولة :
- اهلا و سهلا شرفونا احبابنا
والله غثونااا يا محمد و يا محمد و 7 أغاني متواصلة اغنية مدتها 20 دقيقة عفية حيل مايعيزوووون
و مسائج افلل ياالغالية :*
** حافية القدمين :
- والله نجرب ليش لأ على مسئوليتج
منورة يا حلوة :)
*** تكانة :
- والله مادري ليش وايد عجبتني انا ابي شي بسيط عشان الحفلة راح تكوون في بيت بس يبيلي اشتريلي وردة برووح ميداس عندة ورد حلوو هيهيهيي تخيلي رايحة ميداس اشتري وردة حق شعري انا ماني قايلة السبب بقول حق ريلي ودني يوريكا و تالي برووح ميداس
** غير معرف :
- انشالله من كثر ما مدحووو موس بروح باجر اجرب عندي استقبال ف زلقة بطيحة
** بيينق ون :
- انتي وينج من زمان عنج شخبارج و عاش من شافج :)
انشالله اجربه باجر و اقووولكم مشكورة يالغالية
** زلابيا :
- والله ماقصروا البنات عطونا جم مكان بس صالون موس بالجابرية مكتسح التصويت بروح باجر بجربه تعالي معاي خنسشور لووووول
** ومن :
- مشكورة حبيبتي وماقصرتي كفيتي و وفيتي و نورتينا يمرووورج يالغالية :)
من ميمة السبيت إلى كل من هب لنجدتي
وساندني في مشكلتي شكراَ لكم من صميم اعماق قلبي و مهجتي واللي ماله أول ما له تالي
صج مشكورين وايد وايد عالاقتراحات صراحة ماقصرتوا عسى الله يحفظكم ويديم هالمحبة بينه على قولة امي ويه يا علي ما ابجييييييييييييييكم :********
مشكوره يا ميمه
انا بعد بحاجه لصالون زين
واتمني تكملين معروفج وتسألين عن وحده شاطره للمكياج (:
لووووووووول
ماعندي ولا اجابه على اسالتج :p
** غير معرف :
- الله يسلمج ماقصرتي بس المكياج صعب مو الكل يضبطه ندور و نقولج
حياج الله
** ملاك :
- حياج الله كافي نورج اللي ظهر
مشكورة عالمرور
مرحبا
ميمتنا شلونج شخبارج
انا جربت مره صالون البدع شيك
مال رشا الحافظ واايد مرتب
ونظيف
تقبلي مروري
دمتي بود
هلا
والله من زمان ما رحت صالونات الديره
بس عن تجربة غلامر شغلهم حلو
تسلمين
اقول تعلمي المكياج وصلحي لعمرك ,,بترتاحين نفسيا وما تشيلين هم العرس
وانتي ادرى باللي يصلح لوجهك عشان كذا بيكون تصليحك افضل
وحيااااك بمدونتي اذا امكن
http://wwwsdghkllkhfcom.blogspot.com/
إرسال تعليق