السبت، 30 يناير 2010

salaam namaste

** صباح الخير شلونكم صارلي فترة لويه مشالله ساعات الواحد حتى مايكون له وقت حتى حق نفسه ..

اخيراً يانه البرد عفيه بنات لاتخرعونه بالبوتات و الفرو خل نستانس فيه شوي والله انه ما طفينه السنترال هالسنه :(

عندي جم سؤال ودي استشيركم فيه بما أن الحين فترة تقييم و العموم متأزم منها :


- ليش المسئول لما إي يقييم الموظف يقيمه على اساس شخصي مو على كفائته ؟

- ليش فجأة نمر تسلم الصبح عالبنات العموم يطالعووون بس محد يرد ؟

- ليش الإدارة ثلاث أرباع الموظفين يصيرون حق المدير ؟

- ليش وحده تداوم بالاسبوعين مرة تاخذ متياز و واحد يكرف بروحه بالقسم طووول السنه حاطين له جيد جدا ً ؟

- ليش البنات صاروا مودلز بالدوام يعني عادي تلبس قميص و تحته بوووت طويل و حجاب !!!!!!!

- ليش صار ماكو احترام لا حق مسئول و لا مدير ، يعني انا لما اسمع صوت المديره بالممر يصير سونامي عندي و الله اتصرقع

ترى مو خوف بس احترام .

- ليش بعض المدره السيئيين يقعدووون 7000000 سنه بالمنصب مع ان الكل يدري انه مو زين ؟

================================


** البنات اللي يحبون الأفلام الهندية في فيلم حلو دمه خفيف اسمه سلام نمستي انا حبيته وايد الممثلين فيه سيف خان و برتي

واللي شاف الفيلم يقولي اهي شنو تاكل كلينكس يعني شلون بطنها جذي والله لو اعيش عالماي ما اصير مثلها و الحمدالله الف مرة

ان اغلب رياييلنا مايشوفون الأفلام الهندية مير الهنود شي مو صج اجسام غير شكل .

اما الممثل ذكرني بصديق عزيز علي وايد اهو صج سعلوووو بس خوووش ولد :)

** نسييت اقووولكم باركوووولي جوجو مشت أخيراً

هذا مقطع من الفلم انا احب هالسوووونق كيفي .




هناك 20 تعليقًا:

قانونى كويتي يقول...

مساء الخير

اشلونج وشخبارج

بوست حيل حيل رائع

وانا بتكلم عن التقييم

للاسف الشديد من الملاحظات على التقييم بعد ان المدراء يخافون يواجهون موظفينهم بالتقييم وما يعلمونهم نهائيا

ونصيحتى لجميع الموظفين التظلم من التقييم اذا اقل من ممتاز

تحياتى لج

ReLaaaX يقول...

عسى الله يبلغج فيها عروووس قولي آمين :))

رورو الشخبوطه يقول...

السلام..

احنا اجتزناالتقيم ..

واللي ماتسلم ماتشووف شر خو اجر وخذيناه ..

والاداره اغلبها تصير للمدير لزوم الفزعه خخ والتضبيط..

واللي تاخذ امتياز واهي مو مداومه لانه مضبطه عمرها ..

وسالفة الهدوم وتكون كبير نص الثلاثينات وام وعيالها كبار :\ الله يهديهم ولا يبلانا يارب..

والمدرا بعضهم مو كفو حشيمه اهما يايبين الحجي لعمرهم :\

وبالنسبه للفيلم هالفتره الافلام الهنديه قايم سوقها خخ..

والممثلات عاديه اجسامهم اهما من الردحه يضعفون ..

ومرسي..

Ahmed Al-Salami يقول...

السلام عليكم ورحمة الله وبركاته..

أول شي الحمدلله على السلامه وعودة حميدة..
بالنسبة للاسئلة اللي تفضلتي وطرحتيها فالاجابة بسيطة.. هي أن أي مجتمع يمشي على مبدأ الواسطة أكيد بنلقى فيه اخطاء بالجملة.. والسؤال الاهم اختي ميمة السبيت.. هو

ليش كنتي موقفة عن الكتابة طول الفترة الماضية..؟ ( ردا على الليشات اللي دوختينه فيهم) :P

نمووول يقول...

مساء الخير

ليش وليش وليش ..
الله اعلم كل شي عندنا يمشي (بالمنكوس)على قوله الوالدة ..

شفت الفلم شئ جميل بس اول لقطة من الفيديو الي حاطته ماشفتها بالفلم يمكن الي انا شايفهمقطع ؟
اذا ولد خان وولد باشا مو بالفلم ما يزغطط براسي ..

جوجو مشت !
مبروووك شيلي كل شي على الطاولات النازلة بس لا تبعدين الطاولات عنها عشن تستند عليهم ..

تحياتي .

شاي الضحى يقول...

باختصار لان احنا بالكويت :)

سمعت عن هالفلم بس ما شفته


شكرا

ميمة السبيت يقول...

** قانوني صباح الورد :

- مشكور عالإفادة و مانتحرمش :)


** ريلاكس :

- حبيبتي مشكورة يالغالية الفال لج ونفرح بعيالج .


*** ام الفناتق :

- واي انا من شفت بطنها ياني احباط بس المثل يقووول اللي يشوووف كرشة غيرة تهووون عليه كرشته :)

ميمة السبيت يقول...

** أحمد السلامي :

- هلا وغلا .. ندري الواسطة لاعبه لعب بس ترى التقييم هذا ظلم و ربك يحاسب عليه .. مشكلة اذا عطيت اللي مايسوى سلطة :(

- و ياخوي انا اليومين اللي فاتوا وايد لويه بالدوام و البيت عشان جذي غطيت عليكم بس انشالله ما تتكرر :)

ميمة السبيت يقول...

** نمول :

- ايه والله ياخوي مشت الحمدالله والله لايواريك الصعارير مسكينة كل ساعة كافخة راسها بشي ..

يالله شد حيلك تزوج و ييب لنا نمولات صغار حلوين

ميمة السبيت يقول...

** شاي الضحى :

- لا شوفي حلو تبين ادزلج اللي عندي انا اشوف الفلم بس مرة وحدة و عقبها أوزعه

secret يقول...

و الله يا اختي ضحكتيني على التعليقات اللي كاتبتها

:)

الف مبروك
و عسى الله يحفظها لكم
و يا رب تفرحون بعيالها بعد

بحفظ الرحمن اختي

chandal/danchal!! يقول...

يا رب يحفظها ويبلغج فيها بطلة ألعاب قوة

:)

ترى من اول ما نزلتي البوست بأسئلته المستفزة وانا اتهدد ارد على جم محور من محاور البوست... بس الدوام حسافة فيهم تعليق بمدونتج العامرة

بس اذا صارت جوجو بطلة العاب قوة يا ريت تزورني بالدوام وتحذف جم واحد بالجللة!

ميمة السبيت يقول...

** secret :

- الله يسلمك مشكور خووش دعاوي تونس انشالله الله يرزقك الذرية الصالحة

ميمة السبيت يقول...

* جندل :

- لا بدل ألعاب قوة يبيلهم رماية عشان نفتك منهم بالمرة يختي يانين و قاعدين لا من مسئولين ولا موظفين حمدالله والشكر .

في مثل يقولونه : نفس ( ن) شينه و مادري شنو التكمله

غير معرف يقول...

مسّاج الله بالخير والكرامة


اول شي
الف مبروك على خطوات السعد:)

الفال لما تمشي لي الكوشه :)


ثاني شي


اممم تدرين اسألتج ...
ماعندي لها جواب
بس ماشالله عليج قريتي الي في بالي
اليوم اسأل نفس الأسئله
خصوصا سالفت الي مايداومون يتطافؤون والي يكرف كوخه...

ليييش؟؟؟؟؟؟



وترى النيو لك
عجيييب
حده هادي وذووووق



حبي:*

ميمة السبيت يقول...

* سلة :

- صباح النور و السرووور الله يسلمج

غثونه والله بهالدوام .

والذوووق كله عندج يا دكتورة :)

bent el deera يقول...

اول شي الف مبروك على جوجو :>

ثانيا تساؤلاتج عجزو عنها العلماء هههه.. قطيعه محدش ياكلها بالساهل >>> هذا شعاري بالدوام هههه

أميـــــره يقول...

:)



بالتوفيق ان شاء الله عزيزتي ..


نشوف الفيلم ليش لا !



:)



شكرا لك

may يقول...

ممممم
اتفق معاج بوجود الظواهر السلبية اللي ذكرتيها ..
لكنها ولله الحمد مو بهذي الدرجة من السوء!!

أخشى إنه باقي شعرة !!

بس أحاول أكون متفاءلة

:)

باقة ورد لروحك..

aL-NooR . يقول...

ولهت عليج .. قلت ايي ازورج ..أشأر عليج :* .. ها بشريني عنج ؟


ولهانين :*

****************