** خلص رمضان و بلعنا الاكو و الماكو و خلص العيد و فلسنا و الناس ردت دواماتها و بدت الزحمه و الملاقة مرة ثانية يعني
ردينا على روتينا اللي هوه بس مو هذا الموضوع
انا ما احب اخذ اجازة لأني ما اسافر وايد يعني ماني من عشاق السفر حدي 5 ايام بالكثير مع اني الوحيده في بيتنا جذي مادري من عليه طالعه دعله ؟
المهم مو هذي السالفة يعني يوم اني انطقيت على راسي و خذيت اجازة شطولها ليش قاعدة بالبيت ؟ الناس تطلع تغير جو اروح
دوامي استانس مع البنات احسن بس مو هذا البوينت
المهم و اللي ابي اوصله يعني ليش ماكو اجازة حق الام ؟؟ مثل اجازة الدوام والله حتى لو اخذلي غرفه بفندق بروحي اقعد بالقراش بس اقلب بالريموت اشوف شي غير براعم و العربية و مسرحيات هدى حسين اللي قاموا يطلعولي بالحلم
ليش اذا وحدة تبي تسافر بروحها او مع صديقتها تقوم القيامة و هذا شي يعتبر من المحرمات عالمره ؟
ترا ده زلم و افتره ليش النحاسه ليشششششششششششششششششششششششششششششششششششششششششششششششششش
كلها تونايت كويت دبي كويت بعد ماقلنا سويسرا
قبل شهر واحد
هناك 23 تعليقًا:
انت دلعي عمرج ع اقل يوم بالاسبوع خصصي لج مساج -مغربي وهالسوالف- منيكير وبديكير ..
او تسوين اي شي تحبينه ..
المهم يكون يوم مخصوص لج ..
والسفر لام عله اقصد محرم معاج ..
واي جان زين نسافر مع خواتي وامي بروحنا جان فريت العالم العربي خخخ..
ومرسي..
* ام الفناتق :
- لا موجذي السالفه انشالله باجر يصير عندج بيبي و تشوفين شلون يصير يومج كله متبرمج عليهم
الله يخليهم و يحفظهم و يفج العقد الدفينه
صباح الخير ميوومة
:)
مستحيل آخذ اجازة واقعد يوم واحد بالكويت... احسن شي الواحد يسويه بهالديرة -الدوام-
تصدقين اني خذيت اجازة الخميس هذا ورديت البارحة... وايد وناسة
بس ما رحت دبي, رحت العمرة مع اخوي واختي
اما السفر مع الصديقات فمافي احلى منه, بس يعتمد على دعالة الزوج!
انتي ليش عنيدة وماتطيعين؟؟؟
مو قلنالج يبي العيال عند الخاله الكبيره
ام سلة ميوة هيهيهيهيه :)
يبيها عندي افا عليج...وسافري واستمتعي
وبدال اليوم خليها ويك اند كامل
افا عليج...
ولاتقولين عيال ومادري شنو
خلي قلبج قوي
شربي ماونت ديو هيهيهيهيه وأووووي ألبك
وخليها عندي وانا اعجبج..اصلا ترجعين من السفر البنت كول قاعده جدام ورابطة الحزام ولابسة نظاره شمسية واتسويلج اوكي من بعيد؟؟
ها شقلتي...أجهز سرير اليهال:)؟؟؟
السلام عليكم
مسكينه كسرتي خاطري
بس شتسوين هذي ضريبة الامومه، خلاص مافي انتي مافي شي اسمه انتي بروحج
لازم بكل شي بتسوينه تفكرين بهاليهال
بس تصدقين تقدرين تقطين اليهال على الابو و تونسين رووحج يوم كامل حقج بروحج، تتريقين ويا رفيجاتج، تروحين سبا و من هالسوالف.. بس ادري هم بتحاتين اليهال.. الله يعينج
و عن السفر مثل ما قالت رورو، مو شي تروحون بنات بروحكم ،لازم ع الاقل معاكم ريال
انتي بعد مسرحيات هدى حسين ؟
احنا يامسرحيات هدى حسين والا نيكيلوديان :(
لازم يوم للأم وأسبوع للأب ..
** جندوله :
- تقبل الله يالغالية عسى دعيتيلي اضعف و اصير انيقه و يروح الكرش :(
يختج موراضي ذبحني
** سله :
- يابعد عمري يا سله ادري فيج ماتقصرين اهي المشكلة مو في جوا المشكلة ابو جوا ودي اسافر بروحي ودي اطلع على كيفي و انا على كيفي اقعد بالمحل 7 ساعات لين اسكر كيفي كيفي كيفي
** هوب :
- لا مايفع هني و كل ساعه ران التلفون يله يله متى بتيين و يله ليش تطلع الروحه من جبدي
** عبدالله :
- اي سبوع للأبو مير الابو ماخذ حقه تالت و متلت
اييييييييي ما عندنا حريم يسافرن بروحهن
D;
كيفو؟؟
ميووووم
والله احنا المساكين ومعطينهم ويه بزبادة
اشمعنى السفر مايصير ها !
مدارس، جمعيات، مستشفى نص الليل مايخالف، بس سفرة رايح راد حرام !
وانا وخيتج، العين الحمرة تعرفينها ؟
لا ماحب الحمرة البنفسجية ، اذا ماتعرفينها دقي علي وأقوللج ؛)
وجوا الله يفظها عندج أم سلة ميوة ماتقصر !
شوفي أنا وجندول ناوين على نية قشرة، واعتقد احنا عشقناها من المشاركين، بتيين حياج ؛)
والدعوة مفتوحة :)
لوووووووووووول
مادري اذا تابعتي زوارة خميس ولا لأ
بس كان في مشهد كل الامهات ينحاشون ويروحون المزرعة عشان قرروا ياخذون بريك من عيشتهم
بس لقوا نفسهم يحنون لهالعيشة ولكونهم امهات .. ولقوا ان الام والمتزوجة مهما تعبت وحست انها تبي بريك الا انها ما ترتاح الا في بيتها وبوسط عيالها ومملكتها
يعطيج العافية وقواج الله .. وعسى الله يكون بعون كل الامهات
على قولة مرت عمي .. تبون الجنة ببلاش ؟
أقترح اقتراح؟
خصصي لج يوم بالأسبوع أو كل أسبوعين .. وعودي عيالج وريلج عليه .. اتفقي معاه ان مثل ما انت لك وقتك الي تقضيه مع ربعك بدونا .. انا هم أحتاج لهاليوم.. .. هذا اليوم لج انتي بروحج .. تطلعين مع خواتج ورفيجاتج بدون يهال .. اليهال عند أبوهم .. مساج .. صالون .. عشا ..ريوق.. سينما .. المهم ان يكون لج .. بدون اليهال ولا أبوهم ..
واذا عيالج شايلين عمرهم .. شالمانع تسافرين يوم أو يومين مع أبوهم بدونهم ..
** آرتفل النحيس :
- ايه ليششششششششششششششششش ليششششش
هني خلاص حفظنا الاماكن و المحلات و المطاعم ليش النحاسة ليش بنتنفس عتقونا شويه
** يو نو هوووووووو :
- والله جنه قووووود اوفر يله فوقه بس قوليلي قبلها خل ابلش حنه يمكن لعل و عساااااااا والحر تكفيه الاشارة و الحجي لج يا جارة :(..........
** برنسس دادي :
- لا انا مو بس شايفتها انا حافظه الحوار لووول
ادري والله اصلا انا حتى لو اطلع تلقين قلبي متشاغب عليها
** شي از مي :
- لا شوفي بالكويت ماينفع من الطوف الساعة تبدي تشتغل عليج التلفونات يبيله تسافرين و تسكرين تلفونج راحة و استجمام و بنتي توها سنتين
الله يعينج.. كثر الدق على الحديد يفج اللحيم.. الإنسان يحتاج بين فترة والثانية إلى إجازة يكسر فيها روتين حياته اليومي.. ويغير جو ويتنفس بعيد عن (الضوضاء) و (صخب الحياة) لكن المشكلة أن البعض يعاني من مشكلة (ممنوع) أو (انعدام الثقة).!
خل نروح حق ممنوع.. ليش ممنوع تسافر الحرمه بروحها.. لأنها ما تعرف اتصرف ولا تقدر تشك خيط بابره من غير وجود (سي السيد) اللي يسوي كل شي ويعتمد عليه بكل شي (مع العلم ان سي السيد ما يدري وين الله قاطه)..!
أما انعدام الثقة فسببها أن دائما المرة تدور حولها الشك والريبة في تصرفاتها ودائما سوء النية مقدمة على حسن النية، هذي مسافرة اكيد مواعده أو تبي تخربط أو .. أو .. أو..!
بس خلاص مابي اطب اكثر لاني راح لساني صاير منشار وشكلي بفضح الدنيا :PpP
ولازم تحفظين المطاعم اللي بره يالله تبرد!؟!؟
قصبوا ارضكم جابلوا عيالكم بسكم هيله
واذا مش عاجبكو ،، بتتقوزووو ليييييييه!!!
** آرتفل :
- انشالله النحاسة اللي تنقط منك
ياخي ذبحتونا بنشم هوا اهي موسالفة مطاعم سالفة يوم هادي بدون حنه و تحلطم و بامبرز و حليب و هدى حسين دي الرحمه حلوه يا قدعان
الله يعييينج ويعيينا لوول
احلى شي الواحد يدعل بعمره بنفسه
مووفقه .. : )
عليج بالف عافية
وتحياتى لج
إرسال تعليق