** العام مثل هالوقت كنت مسويه اكشن بالعايله لويه و خبه و الكل على اعصابه بصراحة انا عن نفسي مادري شنو سويت سبيتهم هاوشتهم صرخت بجيت وايد اشياء الحمدالله اني ما اذكر منها شي إلا شغلات بسيطة و كل ما أذكرها احمد ربي على نعمة النسيان و أقول شلون الحريم اييبون على 5 و 6 يهال مشالله عليهم و على ايام اول كانت توصل 12 .
والقهر ان بعد كل هالمعانات كنت آخر وحده اشوفها اسملله عليها لما شفتها حسيت بشي ثاني شنو هالشعور الغريب صج اذا قالوا قلب الأم و حب الأم حق عيالها والله الواحد مايتخيل هالشي إلا بعد مايصير له و يعيشه .
يتنا جوجو و ماخذت قلبي بس خذت قلوبنا كلنا يمكن عشان انا ترتيبي اصغر اخواني مع اني بكمل ال 31 انشالله بعد جم يوم بس الكل كان يقولي ياهل يابت ياهل :(
اليوم عيدميلاد جوجو صارلها سنه معانا و لما يقولون لي انشالله تشوفينها عروس مادري ليش تيني البجوه و بيني و بينكم مابي احد ياخذها هذي بنتي حياتي ، دايما كنت اسأل نفسي اشلون بكونون عيالي شلون شكلهم شيبهوني ؟ نفس حركاتي ؟ كنت اتمنى اني اشوفهم و الحمدلله كانت و راح تظل اغلى شي بحياتي
سويت لها عيد ملاد يوم اليمعه قبل عيدميلادها عشان المدارس و هذي كيكتها طبعا اهي ماتدري وين الله قاطها بس اهم شي استانسوا اليهال
ادعوا ان تكون بنتي بارة فيني و الله يجعلها من الذرية الصالحة يا رب
هناك 17 تعليقًا:
عسى ربي يحفظها ويطرح فيها البركة ويبلغج فيها وبتخريجها وتشوفينها عروس تتمخطر جدام عيونج قولي امين
:)
تصدقين دمعت عيني
!!
البنت تاخذ قلب الجميع
عسى ربي يحفظها يارب ويرزقج برها ورضاج عليها
السلام..
كل عام واهي وانتي بخير يارب..
والله يخليها لج وتكون من الذريه الصالحه يارب..
الكيكة تشوق ماشاءالله..
الله يحفظها ويبارك لك فيها والعمر كله ان شاء الله
:)
لول ضحكتيني على ذكرى يوم ولادتها... شكلج لعنتي خيرهم الخير
** ويه اشسويتي فيني قمت اصيح بالدوام مادري شفيني الضاهر فيني بجوه بأثر رجعي لوووووووووول
- مشكورة بعد قلبي ماقصرتي واتمنى من الله انها تاخذ حتى و لو ربع سنع استكانه و روحها الحلوه و اخلاقها العاليه ، انتي اخت عزيزه والله يشهد الله يحفظج لأهلج و يفرح قلب اميمتج فيج يا رب :*
كل عام وانتي واهيا بالف خير وصحه وسلامه :)
وتتربى بعزكم يارب :)
* أم الفناتق الحلوة :
- حبيبتي وانتي بألف خير و نفرح فيج انشالله قريب :)
للأمانه اختي اهي اللي نقت الكيكة انا احب الكيكة ام طبقات بس ماخلتني اخذها تقول هذي حق اليهال احلى :(
** جندوله :
- واااااااااااااااااي سكتي فلم والله شي مو صج ، مشكلة اذا كنتي بجر و متدرين شالسالفة لوووول
يازين فتح البطن نامي و قعدي إلا خالصة السالفة بس مت من الحره اخر وحده انا شفتها :(
** شاي الضحى :
- وانتي بخير ياحلوه :*
يا حلو البنات ..جوجو :**
وختيييييييييييي
عسى ربي يبلغج فيها ..و تشوفينها عروس ..عاد ها عزمينا... و يخليج لها ..و يخليها لج .. و تبر فيج و تبرين فيها ..و مبين البر من حروفج ..
و كل عام وانتي بخير ..و اهي ابخير
************************
كل سنة و الكل طيب و بألف صحة و عافية
عسى ربي يحفظها
و يديم عليكم الفرح يا رب
:)
الله يحفظها و يخليها لج و يجعلها من الذريه الصالحه
كل عام و اهيا بألف خير يا رب .. الله يبلغج فيها
=]
كل عام وجوجو بخـــــــــير يا رب :)
وعسى ربي يحفظها لكم ونشوفها عروس وتعزمينا على عرسها :>
والله يستر من اعصابج وصاااجه النسيان نعمه وانا اختج ههههههههههه
:**
وازيييييين البنات
تدرين هقيتج بالتعشات :)
مادري نكج عنونو
الله يحفظها ويبلغج فيها وعساها تكون ذخر وفخر لج ولابوها
وعسى عينج تقر فيها وبشوفتها
الله يحفظكم ان شالله
وكل سنة وانتي واهيا طيبين
ياعسل المدونات :)
حبي:**
كل عام وجوجو بالف خير
مو كل الامهات يا ميمة في امهات مايدرون عن عيالهم
الله يخليج لها ويطرح فيها كل الخير والبركة :)
** نور الدنيا :
- حبيبتي والله وانتي بألف خير و صحة
الحين عرفت ليش امهاتنا يبجون بزواجنا اول كنت اضحك عليهم بس الله مارضي الحين من اتخيل شكلها عروسه تدمع عيوني مادري ليش ؟
** سيكرت & هووووب :
- و انتوا بألف خير و صحة مشكورين وايد .
** فشووووشه :
- اووه الأعصاب شي ثاني الله لايوريج وانتي بخير حبيبتي و تكفين شوفيلج صرفه في التعليقات عندج ترى مايصير كذا :(
** سله :
- ايييه ياخويتي ليت الشباب يعود يوما ، انا دشيت عالتلاتين و ياويلي من التلاتين خو الشيب طالع من المتوسط هذا اللي ورثناه من العايله شيب و عوار ركب .
** سويت ريفنج :
- صاجه والله الدنيا فيها بلاوي و الله يعينا و نربيهم احسن تربيه كل شي صعب هالأيام ياخويتي وهذا من الأسباب اللي يخليني ارفض ان تكون العايلة كبيره .
إرسال تعليق