** لأن الجو حلو فالواحد لما يقعد الصبح يقوم و اهو مستانس حتى لو دايخ و فيه النوم ، يقوم ياخذ الشور ويصحصح " و نصيحة للبنات
قبل ما تطلعين من البيت اخذي كوووب فيه ماي حار تسلي فيه بالطريج طبعا شربيه عالريج " وين وصلنا ليييه الشور تالي ميك اب
خفيف و تحس ان الدنيا حلوه و الدوام راح يخلص بسرعة و نطلع من البيت و نسمات الهواء العليل تداعب حيجابييييييييييي و ابتسامة
شقاقية مرسومة على ويهي اطلع من البيت لي الدوار لي الإشارة انصدم بالواقع المرير الزحمة صاكة إلى ماله نهايه بيتي بالزهره
دوامي بالخالدية ليش اقعد بالسيارة ساعة الشارع واقف حمرتي راحت من كثر التحلطم الشريط سمعته كله و خلص الوقت طاف دشيت
بمرحلة التأخير 7:30 الشارع واقف 7:40 الشارع واقف 8 الشارع واقف وصلت الدوام الساعة 8:10 انا طالعة من البيت الساعة 7:15 تخيلوا من الزهرة ليي الخالدية هدومي تعفست مزاجي اخترب والسؤال كالتالي من المسئول عن كل هاللويه ؟
و لييي متى راح نعيش في هالمأساة مع العلم ان مع كل سنة الزحمة تزيييد و السيارات تزيييد و ساعات التأخيير تزيد و يزيد الخصم
نبي حل .....
- و كلمة حق كل واحد و وحده مسئول و عنده موظفين تحته " الرحمه حلوه ياقدعان ماله داعي النفسية و تعيشون الدور على روووسنا
ترى ماكو شي دايم واحلى شي بالدنيا ان الانسان يكون له سمعه حلوه و ذكر طيب بين الناس و الكل يحبه مو يتف و يسف فيه
يعني ليش لما اصير مديره امر عالموظفين ما اسلم و نفسية و حالتي حاله و انا مادري وين الله قاطني " ويييع
- إهداء حق كل موظف و موظفة لايعة جبدهم من مديرينهم .. على هالجو الحلوووو اندووورا سالسا :)
قبل شهر واحد
هناك 48 تعليقًا:
السلام..
انا كل احد ارد بيتنا متاخر ساعه وشي ..
ماتسوى علي انام واقوم وارد انام واقوم ولي الحين ماوصلت بيتنا اهي اهي..
الله يعينا ..
العاده الشرطه سبب الزحمه:(
اذا كنتي وايد حساسة من الزحمة, انصحك تبكرين طلعتك, بدل ما تطلعين 7:15 طلعي 6:55 على انغام اغنية الحياة حلوة بس نفهمها
:)
والمدير الله حسيبه... الحمدلله والشكر زايدين مو ناقصين!... نفس(ن) شينة ويلد(ن) معفن!
يبين من قلب ان لايعه جبدج
:)
هونيها و تهون وانا اخوج
هذي ديرتنا .. الشكوى لله
:)
@@
ترى انتي معصبه وايد
زحمه وسو وت
سهليها
المفروض تعودتي الحين
كل الشوارع زحمه
وكل الأماكن زحمه
تعصبين اذا في شي ممكن يتغير وما غيروه
بس اذا ماكو شي راح يتغير
شكثر بتمين تعصبين
:)
صح
!!
راسي يعورني
ومديري حليييو بس حنان
ومن يشوفني استشر شويه يكع بريك يخاف
:))))))
أخيتي
أهديج أغنية
هذي الكويت ... صل على النبي
وين بتدورونه سالسا علشان أدوره معاكم
** ام الفناتق :
- ايه والله لو نفتك من الهنود اللي غاثيينا بسياقتهم البايخة و مادري ليش من يشوفون دورية كعوا بريك انت شكوووو من يه صوووبك !!!!
** جندل و دنجل :
- لا والله مو سالفة حساسة تخيلي طريج 10 دقايق يصييير ساعة على شنو مادري فجأة ماكو زحمة فجأة وقفوا و ترى انا عندي بيبي يعني اقعد مرتين حقها هذا غير اذا قعدت و يله قوموا لعبوا معاي الساعة 3:30 الفير :(
يعني ال 5 دقايق تفرق معاي بالنومة
** عثماني :
- لا والله مو لايعه جبدي اليوم مزاجي رايق عالآخر بس مليييت شوي من القعده بالسيارة ..
بس شرايك بالجووو مو صج صح
** الزين كله :
- لا حشا والله مو معصبة بس شي يغث
والمدرا حمدالله والشكر خبووول جنه
محد مدير و محد يفهم غييرها انزين
سلمي تخيلي تمر و تطالعنا يعني سلموا عليي مسكييينه لقت عاد حدها ماتشوووف شر
مسـاء الخـير ,,
تذكريني بمـأساة الدوام ..
هذا وأحنا في السعودية الحريم ما
يسوقون وزحمـة,وعلى مانوصل الدوام
ساعه ..
لو ساقوا الحريم , كم نحتاج
على ما نوصل !!!
*_^
ربــك المعين , والله يعينك
على زحمتكم ,,
سهالات
أطلع من بيتنا الكائن بالعدان 6:30 ,6:45 .. أوصل كليتي بالشويخ .. 8:10 ,7:50
أنصحج ابرنامج تباشير الصباح بإذاعة القرآن وبرنامج القطار (مال يهال .. حده مليق) بالبرنامج الثاني ..
وبعدين شريط شريطين بالكثير وإن شاء الله واصلة بابتسامة..
استانسي ووسعي صدرج ولا تسمحين لمنو ما كان ينرفزج ويشد أعصابج .. بتوصلين وانتِ ادندنين ومستانسة..
نصيحة مجرب
الي يشوف الزحمه يقول تعدادنا 60 مليون ..
المشكله بالتنظيم وبتكاسي الجوال بالعليميه الي ا يعرفون يسوقون ..
الحل .. اممممم
الحيل المؤقت اهو الهجره او انج تاجرين طياره توصلج دوامج
في دراسات نفسيه علي اثار الزحمه والكوارث البيئيه وغيرها علي انتاجيه الفرد وكلها تقول بتاثير الزجمه السلبي علي انتاجيه الفرد ونفسيته بدرجه كبيره ..
شكراً
والله يعينج علي الزجمه
والله حسافة الساعه ..الواحد ياخذ مخده وينام بين كل بريك والثاني مو ابرك
ونسني بوستج ياعسل هالكون
وصباحج عنب أخضر
حبي
واااي وااي كله كوم ويوم تكون الزحمه علشان حادث ساير السايد الثاني كوم
ياربي امبي يعني حادث وسار تسوون زحمه ولويه ليش
الله يعينج خيتوو
بااااال الله يعينكم..
أنا زحمة الشغل ما تعني لي للحين..
من شقتي للجامعة 10 دقايق..و اذا زحمة..ربع ساعة..
:)
يا الله..لقمة العيش ما بتجيش بالساهل..
الله ياجركم
تحياتي
الزحمـة ترفع ضغط اللي مايرتفع ضغطـه :\
ترى الزحمـة كل مكان كنت اتوقعها عندنا بس طلعت كل مكاان ^^"
الله المستعاان ياختي
جني آنا وياج نداوم بنفس المكان :qd
إي ما أدري ليش بس يدامون الطلبة تعتفس الدنيا .. هذا الله يعين بعد ما داموا كلهم.
ساعات ودي أطلع على السبع بس بعدين لما أفكر أقول كفاية دوامي فزعة من السبع و نص بعد إشحقه أقعد عشر دقايق ولا ربع ساعة زيادة على دوامي .. جان زين عاد يبين بعينهم ...بس ألحين مهما بجرت طلعتي ما أبصم إلا 7:28 ولا 7:29
وايد عليهم بعد
صلي على النبي يا ميمة
هونيها
لا تخلين اي شي يعكر مزاجج الرايق من الصبح
والمدير خليه على صوب ولا كأنج شفتي أحد
** دروازة :
- هلا و غلا بأهل لندن ترى ليلحين ناطرين اللفلييك !!
** فهد العسكر :
- بالمكتب احلى شي و انت تدوور ولا كافخك المكتب بخاصرتك كلش ماتسوى عليييك :) استانست عالسالسا يمه منك
** pen :
- هلا خيتييي شلونج وشلون السعودية والله ذابحتنا الزحمه بس ماعليييج وناسه السيارة
** إهيا أنا :
- والله هالأيام نازل علي الإيمان و هابه في العفاسي واذا خلص حطيت سمرات
** نمووول :
ليلحين ماجوبتني على سؤالي .. ليش نملة؟
** سلة :
- هلا بالزين كله شلوونج اخيتيييي ترى ناطره التكمله يله عن التعلق
** وحده من البشر :
- حياج الله يالغالية الله يعييين الجمييييع شنسوي ماكو حل
الله يحفظلك بنيتك
:)
اعرف وحدة مجرمة... كل ما قعدت عليها بنتها بالفيور... حذفتها بكتكات بو قصدير... وتسمعها تخرخش فيه لين تطخ وترد تنام... ما تقعد الصبح الا ويه بنتها جنها ماكلة فريسة
كتكات حق ياهل اقل من سنة؟... هذا جايلد ابيوز... انا مالي شغل اذا طبقتي الفكرة!
:p
** جنون عاقل :
- كاشخ عليينا يعني وين بتروح انشالله راح ترد و تعلق بالزحمه وتلوع جبدك عاد وقتها اذكرني
** SCRIBBLE :
- زحمه يا دونيا زحمه .. زحمه و تاهو الحبايب زحمه و لاعدشي رحمه
حياج الله يالغالية و الله يعيين الجميع
** ميللو :
- يالله زين حياج عندي شربي قهوه والعله مو بس بالزحمه تعالي دوري موقف ولا انتي كشخه توقفين بالسرداب :)
** اتيت متأخره :
- لا عادي بيبتي تعودنا ، انتي شلونج و شلون البيبي شلونج عقب الأبر يله طمنينا عليج
** جندل و دنجل :
- والله جنها خوووش فكره بس انا ريلي ابو الوسواس مايخليني بس تدرين انا عندي خوووش حل ..
بروح انام بدار ثانية و بخليها تحفل مع ابوها و كييفهم متى ما ناموا ..
- جنى لمحت انج حامل .. صح ؟
صُح
:p
يا حلو المعصبين :*
هاااااااااا طخيتي ؟
الحياة حلو مو ما تسوى ميمة تعكر مزاجها ..ابد
و خصوووووووووصا هاليومين الجو حلو ..ما يسوى تعصبين ..انا اخلى الدنيا و اركب السيارة لو اقعد اكثر من ساعة ..كيفه ..ولا اقلب مودي ..الزم ما علي راحتي ..
كل يوم ابتسمي و شقي الحلج ..و اي اغنية من اف ام اهداء مني :)
:**
*****************
يااا صباح الخير
:
ميمة .. مادري ليش ودي اقول لوول!!
الزحمة .. مممم مالهاش حل
تتوقعين الزحمة راح يوصل لها الدور و تنحل .. جدامها مشاااكل وايد أكبر و ادهى و انكى !!
يارب يفرج عنكم و عناّ
و يزيل عنكم الهم و الزحمة!!
:
تحية
يعني طلعتي معاي
حسااااافة
صج صج حسافة
كنا أول بالخالدية بعدين نقلونا "إلى مكان آخر" ;)
الشي الوحيد الزين بمكاننا اليديد مبنى كامل كله مواقف ولا ماينبغى (ما على الخالدية) ذاك اليوم من الزحمة ما رديت البيت إلا جريب أذان العصر الساعة ثلاث إلا ربع.
مسكي مينونج ولا تتحلطمين على الخالدية
هلوووو
حاسه فيج اعرفها هالاشاره
اتبط الجبد
تصك بويهي 4 مرات باليوم عشان ايي دوري :<
نصيحه : لاتحطين ميك اب .. ماقمت احط الا كحل هههههههههههه
الله كريم
ههههههههههههه مشكوره على الاهداء .. تقبلته برووووح عطره لاني من الفئه اللي منبطه جبدها من مسئولها :<
**جندل و دنجل :
- حبيبتي الله يتمم عليج انشالله وتشوفينه مشافا معافا يا رب ، و اذا كنتي بجر ترى حاضريين بسوالف تخرع الولاده :)
** نور الدنيا :
- ايه والله الجو روعه الصبح و والله ماني معصبة بس مثل مايقولون فشة خلق
و إهدائج واصل يالغالية
** سوبر سارة :
- ايه والله ملهاش حل شنسوي ادي الله و ادي حكمته .
مشكورة عالمرور نورتينا يالغالية :)
** ميللو :
- امممم جني عرفت وين ، يله خل اتأكد
عندكم واحد مليق ماعنده شغل ولا مشغله إلا يناجر خلق الله عنده لحيه و متين و مليق و اول حرف " ب "
والله أنا قبل كنت وايد أعصب و أتنرقز من الزحمه بس الحين تعودت .. و اذا تأخرت ومسكتني الزحمه أقول بيني وبين نفسي اذا عصبت وتنرفزت وبعدين؟؟
فأبتسم وأعلي الراديو .. لأن ما بيدي شي أسويه
hehehe keep cool o smile always :p
لان النمل منظم وما عنده زحمة :)
هذا احد الاسباب .. قريب ان شاء الله بكتب
اوله يا كثر بدلياتي
انا خايف يسحبون جنسيتي
نمووول
لووووووووووووووووووووول
أمبيه إي إي
حتى إنتوا حايشكم طشار منه؟
ألحين قصصوا ريشه و أظافره لا يحل ولا يربط ...اللهم لا شماتة بس حوبة هالموظفات.
إستغفرالله العظيم
اي والله صاجه .. ويلي يبط الجبد ان المدير ياي على مزاجه الساعه 9 .. ويقعد يزف بالموظفين الي متأخرين جم دقيقه اففف
** lilly :
- ياخويتي ساعات تنقهرين من الشارع واللي فيه و عينج عالساعه حرام قاعده من الصبح و اخر شي تأخير و خصم متنه
** نمووول !!
- وراك داش متنكر ؟؟؟ والله ماعرفتك
النمل مو زحمة قط قطعة كاكاوا بالحوش و شوف الطق اللي يصييير بينهم
** ميللو :
- عاد تدرين اني كنت هناك اول و الله فتح علي و طلعت منهم قبل مديركم الحالي ايام النصاب العود اللي قبله ، اذا نتي قديمة ممكن اكون صادفتج لأني طلعت منهم 2005
** فاتووووووو :
- زين انتوا 9 احنه تشرف المسعده 10:30 لا و تخصم علينا اذا تأخرنا
** فشوووشة :
- فشووشة زعلانة و انا اقدم لها اعتذار رسمي و نقولها كلشي ولازعلج يالغالية :)
- الغنية مسوية اكشن مو صج لحنها عجيييييييييييييييييييييييييب
سمعت سالسا و ميرينغي و سيمفونيات
بس الطمبورة بالسيارة وقت الزحمة تريح البال
:>
هههههههههههههههه
صج كلامج
يبتيها صح
الله يعينا
اتمنى نصير اصدقاء
** ولد الديره :
- لا والله لاتقولي ماكو عالعدنيات احلى شي
** مزيونه :
- حياج الله عزيزه و غالية و نصير ليش ما نصير :)
لووووول
انا تأقلمت مع الزحمة ، تعودت عليها..
آخذ معاي كتاب أقرا بالسيارة ..
عشان ما احس بالوقت ..
** مي :
- لا يا معوده كتاب بالسياره الصبح
احنه لين الساعه 10 دايخين فينا النوم بعد كتاب جان تلقيني نايمه من اول سطرين و داشه باللي جدامي
خليني اتحلطم و اسمع سالسا لين اوصل وايد احسن
اااه ميمة لا تذكريني..المشكلة الصبح الزحمة أهون ..طلعة الدوامات العصر اهي المأسااااااااااااااااة
شنسوي لا حول و لا قوة
المشكلة ان الواحد فينا يكره انه يطلع من بيتهم و السبب الزحمة !!!!
إرسال تعليق