** صباح الخير شلونكم و شلون الويك اند معاكم انشالله استانستوا ..
انا حبيت اخذ رايكم انا و ريلي محتارين سيارتي مرسيدس 240 و حدي لايعه جبدي منها و كل ساعه طالع فيها شي و انفكر
انبيعها بس السؤال اللي يطرح نفسه شنو ناخذ ؟؟؟؟؟
عيزنا نفتر عالوكالات اهو يبي جيب ايقول تحتاجه عشان احنه عايله اوكي جيب جيب بس اكثر الجيبات احجامهم وايد كبيره اهو
يبي تاهو أو يوكن شلوووووووووووون ؟ انا طولي تحت المعدل بوايد و اهو نفسي امس رحنه الغانم شفنه التاهو لاتشوفون شكله و
اهو واقف تحت السيارة مايترقع ، قتله هالنوع من السيارات ماتنفع لأن احنه قصار شلون انا بسوق يوكن ما اقدر اضيع داخل
شفت الأودي الجيب اليديد و المرسيدس مادري ماكو شي دش خاطري
بصراحه شي يحير ...
اللي عنده خبره في السيايير يقولنا رايه مانبي شي نبتلش فيه و قطع غياره غاليه و لويه و المفروض تكون السيارة حقي ف بليز
راعوا الحجم بالموضوع
هناك 39 تعليقًا:
السلام..
انا مو خبره بالسيارات ومو قصيره هم..
بس في جيبات حلوه و زين حجمها وسعرها مثل جيب لكزس و نيسان مورانو ..
والله يعطيج خيرها ويكفيج شرها يارب مقدما..
صبحج الله بالخير..
بعد ما اطلعت على معاناتج المنشورة في المدونة لاحظت إنج (اختزلتي) المشكلة في (قصر القامة) يعني بالعامي الفصيح (قصاصه) وهذي مشكلة حقيقية.. عشان جذي ما انصحج بالجيب.. لان مثل ما تفضلتي بتضيعون داخله..:)
لكن عندي لكم سياره فلته.. تقدرون تستمتعون فيها.. وسعرها جداً ممتاز.. والأهم من كل هذا أن اداءها أكثر من الممتاز نفسه..
تقدرون تشوفون صورتها باللنك هذا
http://www.sptechs.com/emarket/thumbs/pics/item2728.gif
ومبروك مقدما :)
روحي شوفي الجيب اللكزس أكو حجمين العود الي مثل اللاندكروزر والصغير لابج للبنات العنونات وعلى فكره اللكزس كد ومد وغير جذي قطع غيارهم رخيصه والسيرفس وانتي واقفه يخلصون سيارتج لج والسعر يابلاش مقارنه بالمرسيدس والاودي مع العلم ان الاودي كلش ما تناسب جو الكويت بالصيف :)
صبحج الله بالطيب ميمة.
ودّي أفيدكم .. بس أنا عليميه بسوالف السيارات .. تو أفكر أطلع ليسن...
على العموم .. بأشوف آراء القرّاء ..
يفيدوني معاج..
دمتِ لمن تحبي..
روميه
اذا جيب... يمدحون البرادو اليديد... مغيرين شكله
قريبتي ماخذه جيب كيا تمدحه وحجمه معقول... مو بهظة... ويوزعون بلاك بيري فوق البيعة لول
:p
اممممممم
للأسف مالي خبره بالسيارات:)
بس اتوقع في اشياء تحكم الشخص
يعني حطي ميزانيتج اول شي
وعقب شوفي شنو السايير الي ممكن اتكون تحت نطاق ميزانيتج..
على الأساس ابدي اختاري..
بعد الميزانيه إتي الأولويات يعني شنو تبين الحجم وشنو اهم المواصفات
وجذي...
اممممممم وقوليلنا شنو قررتي:)
حبي
الله يعينج ميمة على حوسة السيايير انا قعدت قرابة 3 اشهر على ماخترت سيارة ...حاولي انج تروحين الوكالات و تشوفين اللي يناسبج بحسب المواصفات للي تبينها و امكانياتج
GOOD LUK و قوليلنا شنو خذيتي في النهاية
هلا و الله حبيبتي ,
عايله يعني شكثر الله يحفظكم ؟ :)
آنا مثل حالتج لول قصيره و احب الجيبات و اسوق لاند روفر , وايد حلو و يايز لي اهوا كلش مو حق عايله .. بس الحلو فيه يرفع القصار لول
الجيبات الحليوه يعني مو مرتفعه وايد و اقتصاديه بنفس الوقت و هم حلو شكلها ..
عندج جيبات السوزوكي اليديده grand vitara و مثل حالتها جيبات الراف فور rav4 من تويوتا .. حدها قويه و تتحمل و شكلها اليديد حلو
امممممم بعد عندج فورد عندهم جيب إيدج edge حده حلو و مو مرتفع و كشخه و عندهم جيب ثاني اتوقع اسمه "سكيب" او شي جذي ماني ذاكره اسمه ..
نيسان عندهم المورانو و القشقاي أثنينهم أشوف حريم و عوايلهم يركبون فيهم
هالجيبات الي قاعده اذكرها تكفي عايله تتكون من 5 الى 6 اشخاص تقريبا يركبون فيها .. فمادري اذا تتناسب معاكم
و موفقين ,
و انا بتابع موضوعج .. لي الأخير ^_*
و الله اختي انتي حاطه صورتها و خالصة
:)
Go for audi :)
عاد هذي حبيــبتي
مممممم .. خليه يختار عشان لي اختربت ما يلومج ..بس اهم شي لا تشتتون نفسكم .. ابدوا وحدة وحدة .. و اذا ما عجبتكم ..سووا "شفت" حق اللي بعدها
صبحج الله بالنوير ..يا بعد كل الميميات :***
*********************
هلا و الله
بما انا احنا وايد طوال فالجيبات ما تصلح
انا قصيره و الصراحة غير BMW ما اخذ سيارتي الجامعة منهم و لمل بعتها شريت منهم بعد
شوفي جربي
انا رأيي من رأي ريلج
التاهوو واقطع
عملي وعائلي وبعد حلووو ومريح
واذا زحمه تطقين فيه الرصيف
بس مشكلتج مالها حل بتضيعين داخله
هههههههههههههه
بالتوفيق بالاختيار
* ام الفناتق :
- اممم مادري ما احب اللكزس مادري ليش و انا اصلا مابي جيب بس اهو بخاطره
* أحمد السلامي :
- حرام عليك ليش احد قالك ان بيتنا في بولاء
* غير معرف :
- انشالله عمي ليش تزفني :(
* رومية الفهد :
- راح اقولج مثل ما قالت يدة ليلى " كافي نورج اللي ظهر " حياج الله يالغالية
** جندل :
- رحت شفت البرادو لاتشوفين شكلي داخله ضايعة الله وكيلج و ليش انا داخل السيارة اشوفها واحد فجأة يبطل علي الباب و يشوف السيارة @@
عشان جذي ما احب ادش هالوكاله بالذات جنج داشه سوق اليمعة
و البلاك بيري يختج ما احبه مادري ليش
* سلة :
- ليش قفلتي صفحتج يعني احنه الحين شلون نكمل القصة ؟؟؟؟؟
** ام حسن :
- هلا بالزين نورتي يالقاطعة انشالله اكيد بسوي عزيمة بالبلوق
* مس كويت :
- حياج الله يالغالية ، انا عندي بنت وحده بس تدرين عربانه و جنطتين و لويه اسمالله عليها و لازم تحسبين حسابج لي جدام ، اهو برايه انه الجيب احسن بس انه ما احب اسوق جيب
والله قاعده اشوف مني مناك و انشالله نلقى الشي المناسب
** سيكرت :
- وين ياخوي هذي ممكن ايام الشباب و اخذها بس حقي انه و جنطتي :(
** نور الدنيا :
- اه يالأودي شفت ال Q5 وايد عجبني بس اخاف من قطع الغيار و التصليحات تكون لويه
** نيو برايد :
- عليج بالعافية بس انا عكسج كلش ما احبها مادري ليش
** مستر نمول :
- لا مستحيل من صجك انا شفت الطوارق ممكن يعني ابين داخل او جيب الفولفو والله جنه حلييييو
اممم
ما فكرتي فالانفنتي؟
طبعا مش الصالون
او لكزس بس مش الاسيشن
لا الثانيه المتوسطه
احس هالسيارتين اوكيه:)
عيدج مبارك وتقبل الله طاعتج
بالنسبه لى ما احب الجيبات مووووليه
السياره العاديه وايد احسن
ومبروك عليكم السياره اللى بتشترونها
من الحين
يعطيكم خيرها ويكافيكم شرها
:)
انا برايي ماعليه ضيعي بس اهم شي تأخذي شي يريحكم كعائله :P
وان شاء الله ماراح تضيعييين ..
وشوفي طبعآ الميزانيه عندكم كم تسمح لك
وتفرجي ع اغلب الوكالات حتى ماتطيحين
ع شي الا عدل عدل :D
وربي يوفقك .. ^ــ^
وعيدك مبارك ميمتنا :)
العيد عليج يتبارك وعساج من العايدين الفايزين :)
مساء الخير :)
والله أنا لو باخذ جيب أروح صوب الانفنيتي .. إذا استبعدنا المرسيدس طبعا :)
موفقين وعيدكم مبارك :)
هذه نفس سالفتنا العويه بالضبط ..
في خوش جيبات .. مثل فورد ادج وجيب تويوتا اللي اسمه FJ والامارتيين يسمونه فاطمه جاسم . وفي الشيروكي اليديد حلو بعد .. بس لايزال مليق .
او جيب لكزس الصغير .
وتحياتي ..
ولد النوخذة
صباح الخير والغيم والمطر
عيدج مبارك ميمية
الحال من بعضووووو .. صارلي سنه الحين بالضبط ادور سياره
سئليني عن كل الوكالات بلا استثناء واققولج
ىخر مره رحت شفت الجيب اللكزس .. بصراحه مافيه زود كلش ملش .. وشكله بعد مش أوي .. القديم احله (أقصد الصغير مو العود)
الجيب اللي عجبني وايد بس استبعدت الفكره لأنه مال عايله واحتمال اخوي ياخذه المخيم وآنا ماحب .. اهوا الجيب الجي ام سي الاكاديا الفل اوبشنز .. عجييييييييييييييب ومن داخل روعه احلى من اللكزس روحي شوفي وحكمي
الجيب الانفينيتي صغير .. صالون مرتفع اهوا والقاشقاي
الجيب البي ام .. اليدي .. لا تعليق لأنه مو طبيعي روعه .. بس ميزانيتي ما تسمح إلأا لو اييبه عالصيف وآنا بس سيارة الجامعه تحتضر
البرادو اليديد :| مافيه شي حلو بالمره اللهم مبدأ التويوتا توفير وقوة وسعر عند البيع .. وبس .. القديم احله
قرقت وايد
الخلاصة تبين جيب : جي ام سي اكاديا \ برادو القديم 2009
تبين صالون عائلي : اللكزس ES أو اوريون تويوتا عائليه ومريحه ، أو يبي نفس رفيجتي اب لاندر (بس يقولون مال سواويق :\ عاد حلو من داخل لليهال واهوا شبه جيب .. لأنه مرفع ، وداكج عبتي المرسيدس عاد كنت بييبها بس خوفتيني .. شرايج بالبي أم؟
:>
** أقصوصة حياج الله يالغالية نورتينا ..
- مشكلتي في سيارات معينة ما احبها ادري ان السيارة زينة و حلوة بس بالنسبة لي انفنيتي كلش لأ
** ولد النوخذه :
- هلا اخوي حياك الله ، اذا تبي جييب في جييب امنزلينا الفولفو مو الكبير اللي أصغر منه بصراحة وايد حلة و في منه 3 فئات مفصخ و نص مواصفات و فل و اعتقد ان سعره زين من الوكاله كان 11و نص انا وايد عجبني شوفه و جرب سياقته ترى وايد حلو و سياقت الفولفو وا يد حلوه
** أحمد الحيدر :
- يا حي الله من يانه ، كل عام و انت بخير ..
انفينتي مين يا عم انا راسمه على كبييير :)
** بلوق عمتي :
- وانت بخير و صحة و سلامة نورتنا يالغالي ..
شكرا لمرورك :)
** متهورة بلطف :
- حياج الله يالغالية نورتينا ، مير انتي ماشفتينا شطولنا انا 152 و زوجي 153 اي يوككن الله يهداج مستحييييييييييييييييييييييييييل
** بنت الشامية :
- يا حي الله من يانه و الله لو ادري بتمرينا جان بخرنا البلوق يالغالية
كل عام و انتي بخير و صحة و عافية
** الوتين :
- هلا و الله شفتي الجو مشالله عجيييب
بس والله انا اخاف اسوق بالمطر احنه بدون مطر و عافسين الشارع بعد مطر الله يستر
- يختي انا عوبه ما احب اللكزس مادري ليش ولا شي من الساير اصلا ما احب حتى ادخل الوكالة و الأكاديا كان عند وحده من أهلي من خراباته ماتحملته حتى سنه باعته على طول و الوكالة مالته و لا ببيزة ادخلين السيارة و تطلعينها و اهي للحين خربانه
بس لو باخذ يا اودي الجيب الصغير او الفولفو الصغير الجيب اعتقد هذيل اللي بخاطري
قوة ميمية
ذكرتيني لمن افترت السياره فيني بالمطر اول سنه بالجامعه .. شكلي كان حده غلط ... على قولج مو مال سواقه احنا .. بس الحين تمرسنا خلاص
اي نسيت اقولج .. من قبل لا اتخرج وكان بخاطري الجيب الفولفو .. اكو حجمين .. شفته وكنت راكبه سيارة رفيجتي قبل .. كان الكبير مو لصغير بس روعه وذرب حده
ورحت الاودي ( الصالون a6 مو الجيب) .. وحدهم عجبوني الفولفو والاودي
بس من سألت الكل قال لي الفولفو قطع غياراته وايد غلِّي اكثر حتن من المرسيدس شدعوه !! بس يعيش .. إلا الاودي .. بسرعة تبطل حلجها .. وصلخ .. كنت بييبها إلا .. بس كان عندي أولويات ودراسة
بس صج لوقادرة على مصاريفها واعطالها .. الاودي حلو وايد
واستخيري قبل
بتابع الموضوع .. ماني يايبه قبلج سياره اشوف رايج قبل ( هيهيهي أنجرب فيج ميمية :q ) الله يوقج بالزين :)
** الوتين :
- تدرين انا دشيت الوكالة مالت الفولفو و سيده للجيب بس ترى الصغير وايد احلى انا احس انه وايد احلى من الكبير ..
اقولج دخلت و سيدة فتحت الباب و قعدت داخل اللي ريلي يقولي خلاص نزلي اقوله مابي و اللي يبيع ميت علي من الضحك متنحره داخل إللا ابيه ..
و الحين يخوييتي كل السيايير قطعها غالية بس اهم شي انج تحافظين عليها ..
انا لو بشتري انشالله عللى شهر 5 او 7 الياي عشان اخلص شوي من التزاماتي والله يعينه عالأقساط تعالي قعدي 5 سنين دفعي :(
شهر 5 وااااااااااااايد
شكلي بجرب بعمري واقولج :\
صباح الورد
جيب الايدج (فورد) حلو مجكنم .. رحت شفته عجبني
جيب المازدا حلو بعد
امممممممم
خلاص اخذي كايين :>
مساء الخير ميمة السبيت
وكل عام وانتى ابخير
انا انصحج بدال التاهو اللى حجمه كبير
اشرايج بالبرادو هم جيب وحجمه وايد اصغر من التاهو
وبعدين صج انه غالى بس ترى سعره فيه وقيمته فيه
وخل نقول على البركة مقدما وعطينا خبر شنو شريتى
ههه والله أنا أقول إخذي نفس اللي حاطة صورتها .. ترى عجيبه!! :)
انا اقول اخذي همر ؛p
إرسال تعليق