الغاية تبرر الوسيلة !!!!

** طبعاً وايد ناس تكون الغايه عندهم تبرر الوسيله و هذا يكون نهج حياتهم ، اشلون ؟؟؟

انا اقولكم اشلون : يعني واحد فقير ماكو سند لا عايله تخرع و لا اهل ينشد الظهر فيهم بس الله عطاه لسان عروه و ميزان على

قولة يدتي " رحمة الله عليها " المهم شسوي صاحبنا يروح يدورله وحده مسيكينه بس الله رازقها جم بيزه يلف عليها و يتزوجها اهو يملج

مني و يكوش الحبيب عالأكو و الماكو .

اما قصتنا اليوم يعني شي قريب من صاحبنا بولسان شلون بس للأسف على بنيه ، هم شلون ؟؟ خل نبدي من اول السالفة ..


** هذي وحده على قد حالها اهي ترتيبها البكر يعني اكبر البنات و الأولاد ابوها مسكين من اهل الله كل شي عنده عادي و مرته

من يرانه اللي اللي بالشمال عسى ماكو شمال ، المهم البنت شوي كان لها حركات شطانه قلنه مراهقه و كل بنت تمر بهالشي

اول ماكملت 18 سنه و خلصت الثانوية دشت الجامعه و شرالها ابوها سيارة على قد فلوسه صغيرونه توديها و تييبها الجامعة

بس البنت وبعد حكرة الثانوية و انطلاقة الجامعة خاصة لما تصير السيارة بالإيد و هياته و جم بنت من نفس الطقه يعني ماكو دراسة

طلعت من الجامعة و دشت المعهد التجاري و ما ادراك ما المعهد التجاري اول مادشت شافتها وحده و بدت بينهم صداقه لكن للأسف

كلش ما كانت بريئة وعشان تقدر توصل اللي تبيه منها عرفت ان صاحبتنا ماعندها مشكلة تحت عنوان كلو يثمنو فجأه تغيرت

السيارة البنت قامت تكشخ شغل ماركات و جناط و لبس شلون لأن العلاقة تطورت قامت الصديقه يعل ماكو صديقه تنام عندهم ،

انزين السؤال وين ابوها ؟ او امها ؟ مع العلم ان شكل البنت ابين انها بويه

زاد الصرف بس صاحبتنا طبعا تبي اكثر بكل شي متعه و فلوس خاصة ان الناس قامت تتكلم يعني بدا يطلع الحجي خاصة ان

الكويت صغيره ... تمر الأيام و بحكم شغلها في ..... يعني حتى مكان الشغل محسوب ضمن الخطة تشوفه شاب من عايله

معروفه مملوح و الاهم من كل شي انه فلوس يعني بالضبط اللي اهيا تبيه بس للأسف كا متزوج و مرته حامل ؟؟

يعني تعتقدون ان هالاشكال عندها مشكله ؟ طبعا لأ

ظلت ورا الريال لما سلم لها كل شي ، و ولدت مرته و يوم طلعتها من لنفاس تدش البيت و تلقاهم بفراشها ، وطبعا هذا شي مدروس

منها و اهي متعمده هالشي عشان تقدر تخليه يطلق مرته و يتزوجها

تطيح من الحسره و بيدها ولدها المسكينه اللي مافرحت فيه و بكل وقاحة يطلعها من البيت و يطلقها و يتزوج حسينه تقولون الريال

مسحور و تمر لسنسنيين و مع كل يوم يمر تكبر مرته من الحرة عشر سنسنيين و الساحرة تتمرقد بخير عياله و تكود له بهلعيال

طبعا عياله من الأولى مايدري عنهم .

ويبقى السؤال مستمرا وين ابوها من الموضوع لي هالدرجه في ناس مخديه ؟ ماكو احساس و لاضمير ؟ مافكرت بعقاب رب العالمين

يا بنات ديروا بالكم على رياييلكم ترى والله احنه في زمن مايعلم فيه إلا رب العالمين ، يا ناس لاتخلون اهوائكم تمشيكم ترى كل شي

زايل يعني هذي الساحرة باجر شلون تواجه ربها شتت بيت و حرمت العيال من ابوهم كل هذا عشان لفلوس ، سبحان الله


والمشكله ان لما احد يلومها شلون قدرتي تسوين جذي ترد بكل وقاحة ان الغاية تبرر الوسيلة !!

و انا اقولج صح الغاية تبرر الوسيلة ، احنه بنشوف لي وين راح توصلين ترى الله يمهل بس ما يهمل و كل شي له حوبه .

حسبي الله و نعم الوكيل

** القصة حقيقية للأسف و ماكتبنه عشان نفضح الناس لكن تحرصوا يا بنات ديروا بالكم على رياييلكم ترى

" الفـــــــــــــــئران آتــــــيه .. احـــــموا اــــلناس مــــــــــن الطاعـــــــــــــــــــــــــــــــــــــــــــــــــــــــــــــــــــــــون "