انه عندي مكانيييين ماحب اروح لهم ماحب لعروس ولا الصالونات و عشان تروحين الصالون لازم تروحين الظهر لأنج راح تسوين
جم شغله و كلهم ياخذون وقت ..
فالحاصل انا قاطعت الصالونات من زمان و اتعامل مع هنود ايولي البيت مو هاذي السالفة ... السالفة انهم مسافرين و انا محتاجتهم
بعد التسئل مني مناك ولا وحده يزاها الله خير عطتني رقم وحده تييييج البيت اهيه و قشه عاد انتي و اللي تبينه انا سويت بخار - حمام
مغربي ويا ويلي من الحمام المغربي - - مع حنه
صراحه شغل نظيف كافي اني في بيتي و مكاني و حمامي وااااااااااااااااااااااااااااي ولا طلعت الصالونات بهالظهر و هالجو
صراحه بعد ما تسبحين و تخلصين تغنيييين اغنية كما الريشه طول اليوم لا صج وناسه و شعور حلو و اسعار وايد زينه
و مو شغل هلاقه مال الوسيط .
ياصويحباتي اللي عيزانه مثلي و مالها خلق صالونات maile me و انا اعطيكم رقمها .
يالله happy weekend
و اه كما الريييييشه .
هناك 25 تعليقًا:
واااي حسيت ببراد وريحة نظافه
وكما الريشه
:))
انزين جان حطيتي الرقم الحين كلنا نبيه
:)
وطبعا لانج كاتبه للنساء فقط
اعتقد اللي بيقرونه اهم الشباب
:)
هلا باخيتي استكانه
ادري عشان جذي ماحطيت رقمها اذا تبيته دزيلي ميل و انه ادز لج رقمها او تدرين عندي خطة احسن من هذي :)
السلاما..
نعيما..
اي انا جربت ايبهم للي بيت وايد اريح من الصالون..
مشكوره..
حرااااااام عليييييييييييييج
أنا مسوية عملية وممنوع أتسبح ...
صااااااااااااااااارلي
دهر ...
حده قهر ...
رجاءا .. راعوا مشاعرنا
الوصخين قسراً واجباراً
أهم شي الحمام المغربي
المشكلة عندي مشكلتين ....
ماحب الا صالون واحد وايد وحده ...... من زمان ..... انتقلت من منطقة لمنطقة وهذاني على حطة ايدج مداومة عندهم
ونذر عليي من تخلص امتحانات عيالي الا اداوم يوم كامل بالصالون وادلع نفسي من رأسي لأخمص قدمااااااي
وكما الريشة .... ايواااااااااا كما الريشة
الله يشافيييج يا رب و انشالله تسبحيييين
سبحت عروس يا رب
حياج الله يا خيتي الغير معروفه
رورو الحلوة
اهي موسالفة اريح بس صراحه الطلعة الظهر و بهالجو كلش موشي
وبالنسبة لي انه عندي بيبي ماقدر اخليها بروحها 2-3 ساعات بروحها مع الخدامه
اضافه ان الحين صراحه ماكو ثقه بالصالونات صاروا وايد اخرعووون
اتيت متأخرة
والله بيييله صراحة لان صج بعد الحمام المغربي ايييلج شعور جنج ضعفتي 5 كيلو حدج خفيفه
الله لايخسر تعب عيالج و لاتعبج معاهم انشالله و بالتوفيق
حياج الله يالغاليه
أحس شوي صعبه ..أدخل أي وحده البيت
وعالعموم مشكووووووووووووووره
لوووووووول انا ساعات مالي خلق لهم ولقرقتهم اخلي الصالونة تييلي البيت ...
لا وتبط جبدي الصالونة الي تتفلسف على راسي حواجبج الي سوته لج اخر مرة خربته ... كلهم يقولون جذي يعني اشكرة تعالي لنا لوووول
شوفي العروس اموت على شي اسمه عروس بس اقعد 6 ساعات صالون علشان 4 ساعات عرس لووول
عليج بالعافية يا اختيي
بس بالنسبة لي اتحمل روحة الصالون والنطرة بهالحر ولا اني ادخل مرا غريبة بيتي
c'est lavie
والله ياخويتي انه مثلج مو اي احد يدخل بيتي بس هذي وحده ثقه و مسلمه ياحليله اذا ياتج بالحجاب والعبايه الاسلامية والله يحليلها تلف الحجاب احسن مني انه متحجبه من 2003 ليلحين حجابي لويه ...
اذا شفتوا وحده حجابها ماله ملامح بالافنيوز ترى هذي انه :)
طموحة مملوحة
والله احنه شنو اللي ذابحنه غير انه مالنا خلق شي
لا انه خلاص الصالون ما اروح الا حق شعر .
يختي صاير ماكو امان
ام السعف
حياج الله الغالية و مشكورة عالمرور
والله خوش تسووويق ههه كما الريشه مره وحده ماافي يا خارجه من باب الحمام وعلى خدك خوخه عشان تكمل النظاافه
صباح الخير امونه
والله مادري بس حسيت اني ضعفت و صرت كما الريشه
جربي و شوفي الاحساس عجيييب والله
حياج الله يالغالية
احم احم
يا قلبي انتي لو تباشرينا بالرقم
لج مني قبله على جبينج
:)
اهم شي انج كما الريشه
وين الرقم يا مره
شوفي انا عندي حمام بخار بالبيت
بس ليه يومج ما جربته
وكل يوم اقول باجر
وشكله باجر بعيد يا بعدي
:**
شولنها ميمتنا
عندج رقم أي أحد يطلعلي شعر
ويخليني من فرحتي
أصير كما الريشه
والله يالبرك الصلعة مالها حل ..
ومن هذا المنطلق اهديك غنية :
إرضى بالنصيب .. ترتاح بالحبيب
بماان الموضوع للناساء فقط
ماراح اقرا منه شي في امانه بعد
ولكن استإذان يصير اسمع الكليب
كما الريشه
:)
حياك الله
عزيز و غالي :)
الله يسلمج يا زينة البنات
و رقمها راح ادزلج اياه انشالله
انتي تامرين امر يالغالية
هيله يا رمانه الحلوة زعلانه ...
والله يالغالية انا ماقدر احط رقم المره هني دزيلي اميلج و انشالله راح ادزلج الرقم .. افا عليج حم هيله عندنا :)
والله خوش
نعيمــا :)
إرسال تعليق