* مادري ليش دايما اسأل نفسي بعد 5 سنييين شلون راح تكون حياتي ؟
في اشياء راح تتغير ؟ راح يصيير لي شي يدييد ؟
وطبعا تمر السنيين و ماكو شي تغير إلا السنه الدراسيه إللي اكون فيها .. سبحان الله الانسان عجول في كل شي
ولأني معروفه بالتحلطم و دايما ماكو شي عاجبني فماكنت احس بحلاوة الأيام وشلون استمتع فيها كل اللي في بالي بعد خمس سنيين
ممكن يتغير الحال ..
ومع الايام واخيرا تيي الخمس سنيين اللي نطرتها وياني الشخص اللي الله بلاه وخلاه يتزوجني و بعدها بسنتيين الله رزقني بأغلا و احلى
شي بحياتي بنوته اللي من شفتها و هي نقطه بيضه في بطني و حسيت انه حياتي كلها تغيرت ..
وباقي سنه و تخلص احلى خمس سنيين مرت علي خلال 30 سنه من الحنه و التحلطم المستمر ...
محد سأل نفسه بعد خمس سنيين شلون راح تكون حياته ؟
نصيحه لاحد ينطر الخمس سنييين و استمتعوا بحياتكم
هناك 10 تعليقات:
اول شئ الله يخليلك افراد عائلتك وخصوصا الجديدين منهم :) ويخليج لهم
صراحة وهو امر ماشي عندنا بالكويت عدم معرفتنا او قدرتنا في التفكير بما سوف نفعله غدا فما بالك بالتفكير على مدى 5 سنوات ......
ويما انك فكرتي هالتفكير فهذا بحد ذاته جانب ايجابي كبير لازم تستثمرينه وتحطين لنفسك اهداف كبيرة لتحقيقها في هذه الفترة
ماسمعتي عن خطة الدولة الخمسية واللي دايما ما يتنفذ منها الا نص سنة لووول
اتمنى ان لا نكون كالحكومة
واتمنى ان نكون كاليابانيين في تنفيذ الحكمة القائلة قول وفعل
بالتوفيق وعساج على القوة
السلام..
عمري مافكرت بال5 سنين اليايه شبسوي كل افكر ب22 سنه اللي مرت مانجزت شي يذكر ..
اخاف اخطط وماتضبيها ع الله والله كريم..
الله يخليج بنوتج يارب..
والله يرزقج اخوان وخوات لها يارب..
مشكوره..
رزنامه الحلوه ..
والله يالغاليه اهو مو تخطيط اهو بلاغة شف احنه وخاصه الحريم عجوليين نحب نعرف المستقبل ..
مشكورة يالغاليه عالمرور
روروو يا روروووو
والله شوفي عيزنه واحنا نفكر بالماضي خلاص اللي راح راح بحلوه و بمره
بس ترى ساعات وناسه تتخيليين شلون و شنو اللي ممكن يتغير بحياتج بهالفتره
حياج الله و منورة يالغاليه
سعدت بمروري من هنا
:)
واتمنى لك حياة سعيدة دوم
مو بي 5 سنين و5 ايام
كل يوم يكون يوم حلو وجميل
والله يحفظج واسرتج
:)
حياج الله منال و مشكورة عالمرور
بس شنو ودج تحققين في حياتج خلال الخمس سنسسن اليايه قولي عادي لا تستحسسن :)
الله يحييج
:)
حلوة لا تستحين
:)
لول
انا ودي اعيش مرتاحة
بال5 سنوات القادمة ودي يكون عندي شهادة الماجستير
واشوف اسرتي مرتاحة ومستقرة عايشة بالكويت
:)
شرايج فيني
ربنا يعلي مراتبك يا منووووووووووووووول و تصيرين مو دكتورة انشالله بروفسورة و انتي صاجة ياخويتي ماكو احلى من الاستقرار
الواحد المفروض يطمح يكون انسان افضل بعد خمس سنين .. و يشتغل عدل عشان يوصل هالمواصيل ..
حياك الله بوسعد
شفيك ياخوي طايح فينا زف من الصبح يالله صباح خيييير
و اي مواصيل تقصد ؟
إرسال تعليق