رجييييم

** صارلي 4 شهور و انا بسوي رجيم كل يوم افج عيوني على عيش ليش يا ربي لييييش بعد ماكو مقدمات ريوق حليب شي لا عيش

نظرا لأني new mamy فماكو دوام يازين النومة المهم ف الحاصل كل يوم اقعد و اقول اليوم اول يوم رجيم خلاص اول ما اطلع

من الغرفة على طول شانيييييييييييييييييييييييييييييييييي حطي الغدا مو عشاني حرام ريلي ياكل بروحة انزين اكلي شي خفيف اليوم

باكل كورن فلكس بداية الحرب على المعدة ترن ترن يرن التلفون ولا الوالدة الله يحفظها الووووووووووووو تغديتوا لا يمة توني

قاعدة ، انزين كا يايلج السايق يايبلج غدا مجبوس لحم و فقع ياخرابيييييييييييييييييييييييييييييييييييييييييييييييييييي فقع مرة وحدة

مو انسى الرجيم انسى ابو الرجيم والله حرام اللي قاعدين نسوي بعمرنا لا تنورة تصك لا بنطلون لما البس شي و مايصك هني عاد

تحلى العباة تخش الأولي والتالي ..

اليوم قررت ان الوضع صاير وايد out of control ولازم اخذ موقف قبل لا ياخذ علي راسي مرة قمت و دقيت على دكتور

عشان اروح انزل وزني شنو تتوقعون ردت علي السكرتيرة ماكو موعد قبل شهر !!!!!!!!!!!!!!!!!!!!!!!!!!!!!!!!!!!!!!!!!!!!

معقولة شهر عشان ادش على دكتور بعادة خاصة لو حكومة جان الله وكيلكم شصرت .. عاد اهي يوم قالت شهر قلتلها انشالله انا باكل

لين اي موعدي بعد شهر كلميني إللا اللي بظعفة صاير الدبل بس ما اقول إلا يازين العباية زيناه