** انا ماعرف اطبخ ولا شي صج ولاشي ولا احب اتعامل مع الجولة و يوم من الأيام كنت اتمشى بالمدونات و لا عنوان شدني
برياني دياي امممممممممممممم و يطق براسي إلا بسوي برياني ، طبعاً اليوم زوارة اهلي و الكل موجود عالغدا و انا صارلي اسبوع اعزم
الناس تاعلوا اكلوا غداي و الاعتذار ممنوع .. والله اهو شكلة يعني زين طبعا الله لايراويكم الخلطة والعفسه اللي صارت لو اللي بياكلون
شافوني شسويت والله جان ما جاسوه بس لازم يرفعون معنوياتي شوية و طلع الطبخ مو صعب اوقفي عالجوله حطي كل شي و بس
باقي نص ساعة عالغدا حدي طاقني اليوع و ميوعه ريلي من امس الغدا عشان ياكل بس الله يستر عسى بس لايتسمم و اتوهق اهو من
الحين شكله و لونه كلش مو مثل اللي بالصورة مادري ليش صار لونه رمادي العيش ؟؟؟؟
المهم العبره بالطعم و العموم ترى معزوم اللي يبي يقول اذا ضبطت الطبخه ولو اني اشك في ذلك راح اسوي مشوع البرياني بصير
ميمة برياني ، يالله مابقى شي و نذوق و اقولكم شصار مع الصوره ...
ادعولي يطلع حلو مالي خلق شماته :(
قبل شهر واحد
هناك 23 تعليقًا:
هني وعافيه :)
نبي الصور الله يعافيج جود اتشجع وادش مثلج ;p
على القوة على القوة
أكيد بتطلع حلوة
ترى اذا حبيتي الطبخة يطلع نفسج فيها حلووووووووو
صدقيني الطبخ سهل
وبشرينا عن البرياني
انا حاسه انه بيطلع حلووو لا تحاتين :>
بس يالله علمينا شصاااار .. تسممتوا؟ احم اقصد عجبهم؟ هههههههههههههه
تسلم اييييييدج حبيبتي :)
انا حاسه فيج والله :))
** ريلاكس الحلوة :
والله ابشركم الحمدالله الأمور تمت بخير صج ان لونه مو لون برياني و شوي لين بس والله مساكين اهلي كلوا كله صراحة كان خوش تشجيع منهم و جربي ترى وناسه يعني يستاهل اللويه
** اتيت متأخره :
البرياني يسلم عليكم و يشكر وقفتكم معاه و ترى احنه بالخدمه انشالله بسوي عزيمة برياني حق ملكات التدوين و العشا طبق واحد اجباري :)
* فشوشه :
لا ماعليج صج ان الأكل كان اجباري بس والله حلو كان فيه طعم و متى ما اشتهيتي ترى حاضرين انضبطج انشالله السبت الياي بسوي مجبوس خلاص خبرج الحين صرت خبره
هلا ميمه..
بالعافيه يارب..
وتسلم ايدج يارب..
** ام الفناتق روروو :
حياج الله و اذا بخاطرج دزي السايق و حاضرين
بالتوفيق أختي..
المفروض تختارين طبخة أسهل شوي كبداية :)
دمتي بخير
تحياتي
احسه نــــــــاطع
كفاية انتي مسويته
ناطرة النتيجة
D:
تسلم الايادي
** جنون عاقل :
حياك الله اخيي ، والله المفروض بس الغشم و مايسوي .. بس ماعليك والله اني قدها و بيضت ويهي تخيل اول مره بحياتي ادش مطبخ و حق عزيمه
** النور :
وينج انتي ماتبينييين قاطه كنت بدزلج اليوم بسأل عنج والله فقدتج
شوفي اهو ناطع ناطع بس شوي ليين و ترى عندنا هوم ديليفري اذا تبيين
اقول تسلم ايدج
دخلتج المطبخ اصلن بركة p;
تقبلي مروري الأول
يعطيج العافية
يعطيج العافيه
ماعليج اهم شي انتي طبختي
حتى لو يطلع موشي لازم محد يعلق :p
بالعافيه :)
** قدساوية :
صباح الورد مشكورة حبوبة وحياج الله وتدرين لما تكونيين صفر بالطبخ لي فجأه برياني صراحة بالنسبة لي كان شعور عجييب .. الحين قمت اخذ طلبات الجمهور :)
** ملاك :
اهو في احد يقدر يبطل حلجه الله وكيلج الأكل كان اجباري لوووووووووووووول بس بعد عمري والله اهلي ما قصروا رفعوا معنوياتي ..
حياج الله يالغالية
بالعااافيه
انا متاكده انه حلو .. الاكل قبل الوصفه نفس وانتي مسويته بحب فاكيد بيكون حلو
تسلم الايادي
:>
عليكم بالعافية ..
وبالنسبة لزوجج الفاضل لازم يتحمل .. منتي ياما تحملتي بلاوي شغل الصحافة :))
تحياتي ..
** أحمد الحيدر :
هلا والله شلونك شخبارك وين هالغيبه عاش من شافك ..
بس سؤال ليش انت ماتبين إلا لما يصير الجو غبار لوووول
والله ريلي مسكييين الجنه على طول لاحساب و لاعقاب من اللي يشوفه و يسلم علييك وايد . بس ماعليك كان خووش برياني
** bent el dera :
حياج الله يالغاليه مشكوره عالمرور
والله كانت خوووش تجربه والأهل الله يخليهم لي انشالله وايد ارفعوا معنوياتي و كلوا كله لازم تعليقات عالخفيف بس والله كانت النتائج طيبه حمدالله
شصار عل برياني ؟؟
** mantovani :
اوووووووووووووووووووه عجيييب
صج شوي كان ليييين بس ماعلييك
و هم صج الأكل كان اجباري بس والله
عجييب ، تبي ادزلك صحيييين
ميمه انتي عقب البرياني اختفيتي .. اين انتي يا فتاااه ولهنا علييييييج :)
دام ميمـة بريانـي مسويتـه .. بيضبط يعني بيضبط صدقيني
تسلم أيدج :)
عيل انا اطلع بالغبار ها أخيتي ؟ ;p
الله يسلمج ويسلمه .. على فكرة لي الحين ما قلتيلي اسمه الكريم :)
وعسانا جميع بالجنة انشالله :))
أتوقع من ورى شغلتنا هذي ماكو حساب بعد .. طراقين ونروح الجنة كافي عذاب المهنة :))
تحياتي ..
يعطيج العافية
ان شاءالله بيطلع حلوووووو لا تحاتيين
وبشرينااا
:)
إرسال تعليق